摩登堂 (荃灣廣場) (已結業)

今日同朋友過嚟荃灣廣場覓食，揀咗呢間泰國餐廳。6:00入到嚟人流唔多。見到有送餐機械人，不過我哋啲菜式全部都係職員人手上🤣。泰國皇室鳳爪沙律（辣）呢個鳳爪我好鍾意，小辣得來又夠晒酸，而且鳳爪好新鮮。越食越開胃。串燒方面限制每款要叫三串，好不夠人性化😣。沙嗲雞肉串燒 ，口感嫩滑。沙嗲牛肉串燒硬到咬唔郁😞。個沙嗲汁好正，可惜咁樣淋係面好難點汁食。曼谷蟹肉蟹黃炒飯唔好睇個樣咁普通啊，個味道其實都幾驚喜，炒到好夠鑊氣同埋幾香口。臨尾想叫個甜品，點知佢嘅泰式奶茶刨冰賣晒。📍 摩登堂 (荃灣廣場) (荃灣)荃灣大壩街4-30號荃灣廣場3樓350-352號舖