板長壽司 (已結業)

上星期三放學，返左灣仔既板前食sushi，因為想食蟹膏壽司唷~~八點幾九點，都唔係好多人等位，等左一陣就有得入座，在座既食客有三分一都係外國人，坐我地隔離枱既講既都唔係英文(似法文，德文之類啦) 應該都係旅遊書有介紹而黎既旅客！環境都ok ，係迫左少少，但都ok 既，侍應既服務態度都好好，斟茶呢啲動作都幾勤快。不過呢，有時客人既order 會亂左。講到食物，佢既質素同板前差唔多，但係一件件計，可以唔駛一定要叫一碟兩件同朋友share, 唔駛食自己唔like 食既野食，可以order 晒自己鐘意既sushi！呢樣係好既地方。而且有我鐘意食既蟹膏，佢係蟹膏軍艦黎，一半係蟹肉一半係蟹膏，好好味唷，可能我鐘意食蟹既關係。朋友仔都覺得好味！另外我食蝦膏軍艦比較淡口，都係蟹膏香濃啲唷~~海膽都唔錯，都幾新鮮同份量都ok！最緊要冇啲青瓜係度，係成件軍艦都係海膽黎！個沙律都幾好味，不過蟹肉同牛油果都好少，不過都ok 既！三文魚三蚊件好抵食，鐘意食可以食多幾件！三文魚腩就略為唔夠肥美了！蟹棒就唔得了... 唔夠鮮味，味道有啲古怪....總括黎講都係好味的，會再黎食過唷~~~~~~