蟹點

營業中

休息中

今日同朋友慶祝生日，就決定想去食幾個好食嘅海鮮，咁啱朋友之前推介呢一間可以加工嘅海鮮餐廳，雖然喺鴨脷洲呢一邊有少少遠，不過我哋決定入去試吓係咪真係好食！我哋買咗幾款唔同嘅海鮮加工，其中胡椒蟹就非常出色，胡椒蟹嘅味道非常入味，亦都唔會有太辣嘅效果，每一隻都處理得非常乾淨，我同朋友都非常鍾意！ 另外蒜蓉粉絲蒸帶子，亦都恰到好處，絕對唔會有個熟嘅情況出現，而且加埋佢本身嘅蒜蓉同埋豉油調味令到成隻帶子更加好食！另外要推薦佢嘅豉油王中蝦，味道上，亦都唔會太鹹，保留住本身蝦嘅爽口彈牙！我同朋友都覺得非常好，加分！另外我哋叫咗咕嚕肉，同埋冬瓜盅！價錢亦都非常合理，有機會再返嚟幫襯！