影片
更多
2023-11-10
1262 瀏覽
話咁快又到食蟹季節，尤其是近排大閘蟹越來越靚，蟹膏開始澎湃，喜歡擦蟹既朋友，又可以開懷大吃一番。當然，下下要成隻拆都幾麻煩，在下此類懶人，最好就有人拆埋煮埋就最好。尖沙咀金域假日酒店龍苑中菜廳，係個人幾鍾意的一間餐廳，自己生日飯，又或者同朋友移民餞行，都試過係龍苑食飯，近排佢又推出［“蟹”逅在龍苑］套餐，原價$888，但優惠價只不過$638，加埋一同茶芥，大約$700左右，看似比其他地方貴，其實當中包含兩隻大閘蟹，比起好多地方只得一隻，真係幾抵食，再想加多一隻，都係$120。龍苑四小碟醉雞. 手拍青瓜.燒腩仔.陳醋雲耳四小碟前菜係醉雞、手拍青瓜、燒腩仔及陳醋雲耳。醉雞是預期的嫩滑帶酒香、拍青瓜清新爽脆、燒腩皮今次有點韌，而雲耳爽口彈牙。鮑魚絲海皇羹除了應有的鮑魚絲之外，更有蝦肉及花膠絲，非常滋補，勾芡亦未有過火，不錯。紫蘇蒸大閘蟹(兩隻)足4兩半重，簡單的紫蘇葉清蒸，蟹膏已見豐富，入口帶點黏嘴，而且仲可以有兩隻食，啱晒喜歡食大閘蟹既朋友。食大閘蟹又點可以無杯花雕呢？加粒話梅入口更可口。花雕蛋白蒸蝦球蛋白火喉拿捏得準，入口嫩滑，又有些少酒香，蝦球早已褪殼，可以啖啖肉，啱我。蟹粉蟹肉扒豆苗
話咁快又到食蟹季節，尤其是近排大閘蟹越來越靚，蟹膏開始澎湃，喜歡擦蟹既朋友，又可以開懷大吃一番。當然，下下要成隻拆都幾麻煩，在下此類懶人，最好就有人拆埋煮埋就最好。
尖沙咀金域假日酒店龍苑中菜廳，係個人幾鍾意的一間餐廳，自己生日飯，又或者同朋友移民餞行，都試過係龍苑食飯，近排佢又推出［“蟹”逅在龍苑］套餐，原價$888，但優惠價只不過$638，加埋一同茶芥，大約$700左右，看似比其他地方貴，其實當中包含兩隻大閘蟹，比起好多地方只得一隻，真係幾抵食，再想加多一隻，都係$120。龍苑四小碟
醉雞. 手拍青瓜.燒腩仔.陳醋雲耳
四小碟前菜係醉雞、手拍青瓜、燒腩仔及陳醋雲耳。
醉雞是預期的嫩滑帶酒香、拍青瓜清新爽脆、燒腩皮今次有點韌，而雲耳爽口彈牙。
鮑魚絲海皇羹除了應有的鮑魚絲之外，更有蝦肉及花膠絲，非常滋補，勾芡亦未有過火，不錯。
紫蘇蒸大閘蟹(兩隻)足4兩半重，簡單的紫蘇葉清蒸，蟹膏已見豐富，入口帶點黏嘴，而且仲可以有兩隻食，啱晒喜歡食大閘蟹既朋友。
食大閘蟹又點可以無杯花雕呢？加粒話梅入口更可口。
花雕蛋白蒸蝦球蛋白火喉拿捏得準，入口嫩滑，又有些少酒香，蝦球早已褪殼，可以啖啖肉，啱我。
蟹粉蟹肉扒豆苗又係懶人菜，啖啖蟹粉中夾雜翠綠粉嫩的豆苗，天使與魔鬼的結合。
生拆蟹粉小籠包夾起完全沒有穿破，包皮柔韌有彈性，咬落多汁而且味鮮，有水準。
砂鍋薑米蟹粉炒飯畢竟大閘蟹性寒，少不免要用上薑茶之類輔助一下，所以蟹粉炒飯都加入了薑粒，而且飯粒炒得好乾身，細緻處見功夫。
黑糖薑茶湯圓個人覺得龍苑的薑茶論辛勁同甜度，堪稱尖沙咀之冠，最記得曾經有一次竟然給在坐朋友喝光，實在有點誇張。
今次重逢，辛勁不減，湯圓亦軟綿甜美，作為壓軸最好不過。
張貼
