影片
更多
2017-05-05
748 瀏覽
嘉蘭圍喺一條頗奇特嘅小街，晌連接加連威老路嘅入口，好唔起眼，但一轉入嚟嘉蘭圍就有少少另一片天嘅感覺，甚至百樂酒店嘅正門開晌嘉蘭圍都唔開晌金馬倫道。講到嘉蘭圍，一條短短環形內街，就已經有成6間食肆插旗，講到Oyster Cove，若非睇到食友P嘅食文，小弟真喺以為佢喺間酒吧嚟。門面頂位貼有啤酒橫額，走入店內又一派酒吧嘅格局，全店都喺高腳枱櫈，真喺唔好怪小弟認定佢喺間酒吧多過間餐廳，建議店家不妨晌門口擺放啲印有海鮮、熱盤食物相嘅易拉架或海報，強調番佢喺唔止有酒飲，仲有好多菜式。其實，除咗依份「錯覺」，一室黑白格調，黑白地磚，白底黑字牆身，環境精簡得嚟夠型格，而且，枱櫈排得又無話好擠擁，整體感覺唔錯。先講講飲品，一系列Signature Seafood Cocktail，顧名思義就知喺配海鮮嘅雞尾酒，仲有其他雞尾酒、紅白餐酒、有汽葡萄酒、啤酒及少量非酒精飲品。Pineapple Crush $48小弟一向鍾意菠蘿，所以，揀呢杯Pineapple Crush，有少少什果賓治嘅風味，但主要都喺菠蘿味為主，幾清甜，感覺唔喺太人工化，面面加咗少少石榴紅糖水調色，加多少少做到有啲彩虹感仲靚。Red F
門面頂位貼有啤酒橫額，走入店內又一派酒吧嘅格局，全店都喺高腳枱櫈，真喺唔好怪小弟認定佢喺間酒吧多過間餐廳，建議店家不妨晌門口擺放啲印有海鮮、熱盤食物相嘅易拉架或海報，強調番佢喺唔止有酒飲，仲有好多菜式。其實，除咗依份「錯覺」，一室黑白格調，黑白地磚，白底黑字牆身，環境精簡得嚟夠型格，而且，枱櫈排得又無話好擠擁，整體感覺唔錯。
先講講飲品，一系列Signature Seafood Cocktail，顧名思義就知喺配海鮮嘅雞尾酒，仲有其他雞尾酒、紅白餐酒、有汽葡萄酒、啤酒及少量非酒精飲品。
Pineapple Crush $48小弟一向鍾意菠蘿，所以，揀呢杯Pineapple Crush，有少少什果賓治嘅風味，但主要都喺菠蘿味為主，幾清甜，感覺唔喺太人工化，面面加咗少少石榴紅糖水調色，加多少少做到有啲彩虹感仲靚。
Red Fruit $32 x 2友人要咗一杯「紅果」果汁，朋友話味道有啲似利賓納，但感覺清爽。
再細閱主餐牌，設計精美，頭幾頁全部都喺海鮮類。海鮮中，以生蠔為主打，而生蠔類，則以法國蠔為主打，足有9款之多，不過，其他國家嘅生蠔亦有唔少選擇，共14款。之但喺，唔喺款款都有，視乎貨源及是否當造，店員話一般都會有十多款供應，更補充多句，唔靚都唔賣俾客，費事做壞餐廳個名。此外，仲有廿多款其他種類嘅海鮮，如波士頓龍蝦、法國膏蟹、阿拉斯加長蟹腳、馬糞海膽、紐西蘭刀背蜆、北海道赤貝……等等，不少都喺揀手嘢。
部份海鮮喺時價發售，如果你怕失預算，又無乜偏好，樣樣都食得嘅話，生蠔拼盤或海鮮拼盤喺上佳嘅選擇。
仲有就喺，波士頓龍蝦及阿拉斯加長蟹腳依兩款海鮮，更刻意提供唔同食法俾客人揀，例如長蟹腳可揀清蒸凍食、牛油香煎、松露煎、做意大利飯……等等。海鮮選擇實在多，店員都會概略介紹吓啲海鮮，佢哋都好熟知啲海鮮特別，大可講講自己喜好，叫佢哋俾俾意見。
海鮮外，菜式選擇仲有湯品、忌廉炒蛋、沙律、主菜、意大利麵及意大利飯，所以，唔使驚淨喺得海鮮咁單一。
生蠔拼盤抵就超抵食，不過，一次要食一打，兼當中款式喺由店家指定兩款，我哋又唔喺鍾意食蠔到狂食嘅地步，而海鮮拼盤其實亦喺唔錯嘅選擇，不過部份食材友人唔太啱。結果，揀幾款心水海鮮，而生蠔則由店員幫我哋揀4款各有特色嘅。睇見我哋嘅海鮮拼盤上枱時，就喺好吸引，店員除再介紹多一次啲海鮮外，生蠔方面更建議食用前後次序，而佢個海鮮架實在太高，我哋索性將盆海鮮放上枱面慢慢嘆。
Honey Point $29幾款生蠔中，Honey Point外型極之的骰，作為熱身真喺唔錯，因為佢蠔味唔算好重，亦唔會太鹹，彷彿帶少少甜味，口感偏向軟綿、柔滑，跟之後所食到嘅蠔有明顯嘅對比。
South Africa Rock $31第二隻所試嘅South Africa Rock，體形非常大，味道跟口感明顯比Honey Point頗唔同，口感爽脆外，海水味較濃，但嗰份鹹味感覺佢易入口，唔會冚過啲蠔味。
South Africa Rock
$31
12 瀏覽
0 讚好
0 留言
La Perle Noire $39同樣體形大嘅La Perle Noire，個人覺得跟South Africa Rock有啲似，同樣口感爽脆，海水味重，但嗒落會覺得蠔味更濃。試完3款蠔要抖一抖，因為最後一隻Belon比較霸氣啲，店員建議我哋先食埋其他海鮮先再食佢。
Cherry Stone Clam $38車厘蜆非第一之接觸，不過，以往都喺熱食，多數香酒煮，今次則應該喺第一之生食，是晚更做緊買一送一優惠。色澤帶點粉紅而亮麗，肉質爽口，清爽鮮甜，跟熱食喺完全兩個唔同嘅感覺。
北海道赤貝 $78繼續仍然喺貝殼類海鮮，赤貝嘅外殼有啲似粒巨型獅蚶，而橙紅富光澤嘅赤貝肉切成小件，入口有種彈牙感得嚟有點煙韌，味道上唔喺話好有個性，但絕對好鮮甜。
法國藍蝦 $58蝦類選擇有紐西蘭深海龍蝦仔、地中海紅蝦、法國藍蝦、牡丹蝦、法國BB蝦，款款當然都想試，但以法國藍蝦最陌生，從來未食過，所以，揀咗佢。啲藍蝦去晒中間啲殼位，方便食用，蝦肉真喺帶點點淡藍色，食落口感幾得意，先喺爽爽哋，再咬落就喺黏滑而柔韌嘅感覺，又極有蝦鮮味，咪錯過蝦頭嘅蝦膏，甘香豐腴，好值得推介。
法國藍蝦
$58
22 瀏覽
0 讚好
0 留言
阿拉斯加長腳蟹腳 $298餐牌標示價錢為$238-$328，視乎隻蟹腳大細，所以，定價有啲主觀，不過，食得海鮮就唔可以樣樣斤斤計較，況且，除大細之外，味道質素都好重要。有時食自助餐都同樣有長蟹腳食，但真喺唔同一個級別，依隻阿拉斯加蟹腳真喺堅好食，唔單肉厚，味道新鮮，海水味自然，蟹味濃郁，可以講回味無窮。雖然店方有其他食法俾大家揀，但清蒸凍食個人覺得先唔會嘥咗蟹腳嘅鮮味。
阿拉斯加長腳蟹腳
$298
8 瀏覽
0 讚好
0 留言
Belon $68輪到最後一款凍海鮮，就喺法國蠔嘅Belon，店員話喺屬000嘅級別（喺重量分級，一般最大去到00000），體形比較圓潤。果然確喺需要留到最後先食，因為金屬味及海水味最重喺佢，鹹度亦自然相對過，加咗少少檸檬汁作緩衝，口感爽脆，最特別之處餘韻長，過咗一陣都仲有朕蠔味晌口腔內。
Belon
$68
22 瀏覽
0 讚好
0 留言
龍蝦忌廉炒蛋 $78凍食過後來一客熱食嘅忌廉炒蛋，賣相精緻，配上兩件蒜蓉包及黑醋沙律。加咗洋蔥粒嘅炒蛋唔算得好滑溜，但質感都炒得軟綿，富蛋香，細味下確有點點忌廉味。而講得龍蝦，真喺堅有兩大件龍蝦肉，配上炒蛋，搭蒜蓉包食，一流喎。
龍蝦忌廉炒蛋
$78
14 瀏覽
0 讚好
0 留言
非洲虎蝦意大利飯 $318幾款意大利飯有諗過點帶子意大利飯，但店員推介非洲虎蝦意大利飯，話新期嘅重點推介，落單時，佢更問過啲飯要諗啲定硬身啲？忠於傳統，梗喺要硬身啲口感啦！老實講，虎蝦食過唔少，但非洲虎蝦的確甚有睇頭，齋睇個蝦頭夠晒霸氣，啲蝦肉爽身彈牙，好有蝦味，而飯粒煙韌有咬口，恰到好處，配上香濃蕃茄汁底，真喺一流！
非洲虎蝦意大利飯
$318
27 瀏覽
0 讚好
0 留言
全部海鮮食得出都喺上乘之選，尤其啲生蠔，種類多，定價唔高。熱盤亦做得有水準，尤其個意大利飯。所以，想食得精，又唔介意豪番一次，Oyster Cove喺個唔錯嘅選擇。
張貼
