影片
更多
2016-07-07
2970 瀏覽
一直以來我都特別鍾意食沾麵同蠔，早幾日老友有朋友推介呢間廣島沾麵本舖爆彈屋，簡直係開正我個【飯】，睇完OPENRICE已經心思思想去！晚上跑完一個十公里賽事，老友決定帶我黎一齊試下！一開始我地已經覺得爆蛋屋呢個店名好好笑。去到已經大約晚上十點，見到店內氣氛好輕鬆愉快，有韓國同日本客人，唔少都有開下酒伴下炸物，而點餐多用英文。第一次黎一定係試下呢度既蠔啦！三款都試哂！新鮮生蠔 Lemosco Fresh Oysters ($35/pc)要加些少檸檬汁帶番出鮮味。蠔味鮮甜，呢款蠔海水味較淡，餘味亦不重，但真係夠鮮味！如果平時食開淡味蠔既（應該包括大部分香港人）應該會鍾意，而且起碼食半打先夠喉。炸珍寶廣島蠔 Fried Hiroshima Jumbo Oyster ($60/2pcs)呢個真的不得了！外脆內多汁，炸粉份量適中，蠔味完全無被熱氣感覺蓋住，一點都唔覺得油膩，同平時普通居酒屋的係兩回事。我諗一定係蠔本身質素夠高，先有咁既效果。雖然影相完全影唔到佢既好味，但係各位黎到真係必試！蠔漬Marinated Oyster ($38/pc)呢個相比起上兩款就無甚特別，幾好食，夠味亦唔算太硬。可
去到已經大約晚上十點，見到店內氣氛好輕鬆愉快，有韓國同日本客人，唔少都有開下酒伴下炸物，而點餐多用英文。第一次黎一定係試下呢度既蠔啦！三款都試哂！
新鮮生蠔 Lemosco Fresh Oysters ($35/pc)要加些少檸檬汁帶番出鮮味。蠔味鮮甜，呢款蠔海水味較淡，餘味亦不重，但真係夠鮮味！如果平時食開淡味蠔既（應該包括大部分香港人）應該會鍾意，而且起碼食半打先夠喉。
炸珍寶廣島蠔 Fried Hiroshima Jumbo Oyster ($60/2pcs)呢個真的不得了！
外脆內多汁，炸粉份量適中，蠔味完全無被熱氣感覺蓋住，一點都唔覺得油膩，同平時普通居酒屋的係兩回事。我諗一定係蠔本身質素夠高，先有咁既效果。雖然影相完全影唔到佢既好味，但係各位黎到真係必試！
蠔漬Marinated Oyster ($38/pc)呢個相比起上兩款就無甚特別，幾好食，夠味亦唔算太硬。可能我地唔識欣賞marination的整法，只覺得如果差唔多價錢，新鮮嫩滑的味道同質感應該會帶來更大滿足感。
炸雞 Deep Fried Chicken ($15/pc)同炸蠔一樣，炸法處理得好好。
廣島冷沾麵 Hiroshima Cold Dipping Noodles ($70)辣度方面，我揀左Level 10，而唔食得辣既老友就揀左Level 2（譚仔食清湯那種），因為店員話完全唔辣會差D。呢個沾麵真係同其他地方食過既十分唔同，好重芝麻味同醋味，完全唔係好似其他店咁著重厚厚既魚介味、豬骨味（所以我想像到有人會因為同期望既味道好唔同而失望）。麵既掛汁力適中，而因為個汁酸酸地好開胃，所以有點愈食愈餓，尾中不足係叉燒太硬，相對失色。如果下次再黎，我一定要叫regular ($79)，因為即使我地叫左其他野食小既其實好唔夠喉。 留意到近年香港的沾麵店真係多左好多，我地問店員究竟廣島的沾麵對比其他日本沾麵有咩特別之處，店員話其實都無，都係睇個別師傅喜歡的口味，唔知係咪真架呢。不過如果師傅處理得岩我口味，又洗乜理咁多！
我地仲試左馬肉刺身($75)同清酒，我就真係麻麻地馬肉……除左因為好似好殘忍之外，其實肉質都係太硬，筋多比較難消化。都係試下好喇……（或者唔試都無損失）雖然店面小小，但食物質素真的好高。如果係生蠔粉絲，呢間爆蛋屋（哈哈）真係唔可以錯過。如果係同時係沾麵同生蠔粉絲，又喜歡送下清酒的話，嘻嘻，睇黎都係要繼續努力工作先得了……
張貼
