影片
更多
2016-04-12
1249 瀏覽
返工返得咁辛苦，對自己好啲，食好少少都係理所當然，今日決定去食返餐法國菜先。 首先，去食佳餚一定唔少得美酒相伴，一支德國嘅Riesling絕對係一個唔錯啲選擇，果味濃郁得嚟唔會話太甜，而且飲落亦唔會太乾。 伴隨白酒而上嘅，仲有半人至愛嘅生蠔半打，仲有嘅當然係侍應悉心嘅講解，佢地仲講到唔係好建議我地落檸檬，因為蠔太新鮮，落檸檬只會蓋過蠔本身鮮味。 講得法國菜，如果無咗鵝肝又點收貨呢？呢味鵝肝外表金黃，外脆內嫩，食落入面仲係滑嫩多汁，加埋黑松露嘅香味，令人食髓知味。 如果覺得食完肥美嘅鵝肝有啲油膩感嘅話，咁就要食埋嚟緊呢個芒果大蝦沙律，大蝦嘅鮮甜同芒果微酸嘅味道，本身已經好夾，而且對去油解膩嚟講又係一個好嘅選擇。 如果要挑剔呢間餐廳嘅話，我只能揀呢味T骨牛扒，只因佢個份量太大，完全唔似係食緊法國菜，但5成熟嘅牛扒又燒得外脆內軟，肉汁豐富，令人欲罷不能。 如果覺得上面牛扒太heavy自己handle唔到，建議大家揀呢個羊架，鮮嫩多汁嘅羊架同樣同燒到外皮金黃，鎖住美味嘅肉汁，加上廚師細心咁去除多餘脂肪，令羊架唔會太油膩之餘又唔會有羶味。 成功嘅晚餐當然唔少得甜品助興
首先，去食佳餚一定唔少得美酒相伴，一支德國嘅Riesling絕對係一個唔錯啲選擇，果味濃郁得嚟唔會話太甜，而且飲落亦唔會太乾。
伴隨白酒而上嘅，仲有半人至愛嘅生蠔半打，仲有嘅當然係侍應悉心嘅講解，佢地仲講到唔係好建議我地落檸檬，因為蠔太新鮮，落檸檬只會蓋過蠔本身鮮味。
講得法國菜，如果無咗鵝肝又點收貨呢？呢味鵝肝外表金黃，外脆內嫩，食落入面仲係滑嫩多汁，加埋黑松露嘅香味，令人食髓知味。
如果覺得食完肥美嘅鵝肝有啲油膩感嘅話，咁就要食埋嚟緊呢個芒果大蝦沙律，大蝦嘅鮮甜同芒果微酸嘅味道，本身已經好夾，而且對去油解膩嚟講又係一個好嘅選擇。
如果要挑剔呢間餐廳嘅話，我只能揀呢味T骨牛扒，只因佢個份量太大，完全唔似係食緊法國菜，但5成熟嘅牛扒又燒得外脆內軟，肉汁豐富，令人欲罷不能。
如果覺得上面牛扒太heavy自己handle唔到，建議大家揀呢個羊架，鮮嫩多汁嘅羊架同樣同燒到外皮金黃，鎖住美味嘅肉汁，加上廚師細心咁去除多餘脂肪，令羊架唔會太油膩之餘又唔會有羶味。
成功嘅晚餐當然唔少得甜品助興，今晚我地有芝士蘋果批，豐富嘅芝士香味都淹蓋唔到新鮮嘅蘋果香味，加上軟綿綿嘅口感，今我只能用一個字去形容，正！
張貼
