影片
更多
2022-05-25
79 瀏覽
而家開番晚市堂食，出街食都想食好啲，吖唔係，係食蠔啲🤪🤪今次就嚟到尖沙咀嘅Oyster Cove，另外係天后都有分店，專門食唔同品種產地嘅生蠔同其它新鮮海鮮，好刁鑽😎啱晒鍾意蠔－tasting嘅人lol呢晚見到隔離枱兩個人狂擦過20隻蠔，好識食🤣🤣呢度每一款生蠔、刺身都好新鮮，其他菜式每款都好食又落重本，幾高質👍🏻👍🏻生蠔（Tia Maraa Pearl、Speciales Lambert No.2、Krystale No.2、Cocollos No.0）試咗4款生蠔，店員介紹可以由淡至濃次序食，試真每隻蠔嘅味道，每一款都好有獨特性。第一款嘅Tia Maraa嚟自愛爾蘭，味道幾清甜，海水味較淡，好易入口😗第二款嘅Speciales Lambert No.2嚟自法國，肉質肥啲，帶多啲海水味，仲有好strong嘅礦物味，幾特別。第三款嘅Krystale No.2嚟自法國諾曼第，口感爽脆啲，海水味重啲又唔會太鹹。最後第四款嘅Cocollos No.0係愛爾蘭品種，最大隻又肥又厚肉，海水味最出🌊仲有少少類似金屬／礦物味。北海道帶子粒好鮮甜，墊咗係檸檬上面所以帶少許檸檬清新香味。紐西蘭深海龍蝦仔
生蠔（Tia Maraa Pearl、Speciales Lambert No.2、Krystale No.2、Cocollos No.0）
試咗4款生蠔，店員介紹可以由淡至濃次序食，試真每隻蠔嘅味道，每一款都好有獨特性。第一款嘅Tia Maraa嚟自愛爾蘭，味道幾清甜，海水味較淡，好易入口😗第二款嘅Speciales Lambert No.2嚟自法國，肉質肥啲，帶多啲海水味，仲有好strong嘅礦物味，幾特別。第三款嘅Krystale No.2嚟自法國諾曼第，口感爽脆啲，海水味重啲又唔會太鹹。最後第四款嘅Cocollos No.0係愛爾蘭品種，最大隻又肥又厚肉，海水味最出🌊仲有少少類似金屬／礦物味。
北海道帶子粒
好鮮甜，墊咗係檸檬上面所以帶少許檸檬清新香味。
紐西蘭深海龍蝦仔
🦞好大隻又厚肉，蝦肉晶瑩剔透，鮮甜彈牙，唔會太漿口，蝦頭仲食到少少蝦膏。
加拿大翡翠螺
比起平時食嗰啲呢個大隻好多，口感好彈牙。
清酒蒜蓉煮活蜆湯
份量極大，有好多隻mega size活蜆lol鮮甜唔腥，個湯落咗好多洋蔥，加埋蜆嘅精華，鮮甜味好出😋😋
龍蝦忌廉意粉
呢個都好食，意粉質感剛好，偏al dente，好掛汁，醬汁creamy帶龍蝦香味，有兩隻大大隻好厚肉嘅新鮮龍蝦鉗同埋啲龍蝦肉粒，好滿足🤰🏻
人均消費：$550
推介指數（10分為滿分）：8分
張貼
