スーパー丼 (駱克道) (已結業)

之前喺網上見到呢間餐廳同蠟筆小新合作 即刻同咗好鍾意小新嘅友人講 呢日就約埋佢嚟朝聖啦😉 見到餐廳門口貼住咁多蠟筆小新嘅貼紙 已經令到我地好興奮啦😚 雪糕咖喱吉列豬扒飯 大辣 呢個係期間限定嘅菜式 呢段時間嚟一定要叫嚟試吓呀😌 雪糕配咖喱飯真係非常新奇有趣 半邊嘅甜筒放上咖喱上面 都真係好啱打卡😎 雪糕同咖喱嘅混合令咖喱口感更加順滑 出乎意料嘅係雪糕嘅甜味配飯都唔會好奇怪 可能係因為日本咖喱本身都甜甜地啦 所以呢個配搭絕對唔淨止係gimmick 而係真係令人滿意嘅組合🐷 吉列豬扒都幾大份 如果覺得自己都食得辣嘅朋友 記住嚟試吓呢個大辣啊 真係好刺激😝 腐皮壽司 呢個係咖喱飯餐送嘅 腐皮少少甜 係正常嘅味道🫢 動感超人芒果特飲 呢杯特飲有兩個顏色 好有層次啱晒打卡😺 攪勻飲就唔會好甜 都幾有芒果味 三文魚親子丼 呢個丼飯有四大片三文魚同好多三文魚籽 三文魚籽嘅魚香好重 好啱送飯🐟 三文魚食落都幾新鮮 油脂都好香 整體最推介大家一定要嚟試呢個雪糕咖喱飯 特別係鍾意蠟筆小新嘅朋友 可以話係視覺同味覺嘅享受呀🥰 入面仲有唔少小新嘅精品可以換購㗎 同埋有興趣嘅朋友要留意喇 呢一個系列 只