影片
更多
2017-10-22
602 瀏覽
今日太古有間百貨公司30周年大減價，所以就陪媽咪去血拼。媽咪話難得假日都肯陪佢行街，請我食飯喎。一出百貨公司超巿就見到Quattro's Kitchen，已經坐咗好多客人，反正都好耐冇同媽咪食西餐，就一於入去試吓。出菜位都佈置得幾靚，用左植物做裝飾。餐牌簡潔:先叫兩杯飲品。【蘋果園】$42 - 茶壺底下有個爐放住蠟燭保溫，壺中間放茶葉嘅位放左好多蘋果粒，真正果茶，聞落去已經覺得好香甜。成個器皿連埋茶杯都係透明玻璃，簡單得嚟又不失典雅。另外配上一小壺蜜糖，加幾多悉隨專便，我就鍾意天然果味甜，唔加蜜糖。【橙汁】$39 - 真正鮮搾橙汁嚟，見住水吧店員喺度搾橙汁，飲落好多橙肉好天然。【干邑龍蝦湯】$68 - 干邑龍蝦湯應該係要有白蘭地酒，但我地就飲唔出有酒味。龍蝦湯質感濃稠但味道適中唔算太濃，所以飲落感覺到有啲鮮味。個湯入面有麵包粒，仲有麵包條另上，軟腍嘅麵包粒滲滿咗龍蝦湯好滋味。湯入面有隻好爽彈嘅蝦，不過既然係龍蝦湯就應該要龍蝦肉先貼題。【蟹肉牛油果塔】$78 - 圓塔由新鮮蟹肉、牛油果同蕃茄粒砌成，旁邊就有啲Pesto Sauce(意大利蘿勒青醬)。圓塔蟹肉份量多，差不多有成座塔嘅一半，
出菜位都佈置得幾靚，用左植物做裝飾。
餐牌簡潔:
先叫兩杯飲品。
【蘋果園】$42 - 茶壺底下有個爐放住蠟燭保溫，壺中間放茶葉嘅位放左好多蘋果粒，真正果茶，聞落去已經覺得好香甜。成個器皿連埋茶杯都係透明玻璃，簡單得嚟又不失典雅。另外配上一小壺蜜糖，加幾多悉隨專便，我就鍾意天然果味甜，唔加蜜糖。
【橙汁】$39 - 真正鮮搾橙汁嚟，見住水吧店員喺度搾橙汁，飲落好多橙肉好天然。
【干邑龍蝦湯】$68 - 干邑龍蝦湯應該係要有白蘭地酒，但我地就飲唔出有酒味。龍蝦湯質感濃稠但味道適中唔算太濃，所以飲落感覺到有啲鮮味。個湯入面有麵包粒，仲有麵包條另上，軟腍嘅麵包粒滲滿咗龍蝦湯好滋味。湯入面有隻好爽彈嘅蝦，不過既然係龍蝦湯就應該要龍蝦肉先貼題。
【蟹肉牛油果塔】$78 - 圓塔由新鮮蟹肉、牛油果同蕃茄粒砌成，旁邊就有啲Pesto Sauce(意大利蘿勒青醬)。圓塔蟹肉份量多，差不多有成座塔嘅一半，除左一梳梳嘅肉，仲有蟹腳棒，分佈平均。牛油果含有豐富嘅植物脂肪，酸酸甜甜嘅蕃茄粒味道清新，蘿勒青醬就有蘿勒嘅濃郁嘅香氣，所以同蟹肉一齊食就好似食緊落咗好多香油嘅蝦肉但同時亦有蕃茄粒嘅酸甜同埋蘿勒青醬嘅香口，味道層次非常豐富。我同媽咪都一路食一路讚，必點之選。
【三文魚柳伴帶子野菌鮮蝦野米飯】$148 - 阿媽話黑媽媽嗰啲野米其實唔係米，係一種草嘅種子，營養價值高，比起普通大米有蛋白質同膳食纖維。味道有少少似煮紫米露嘅紫米，口感煙韌，餐廳係將米飯同野米飯撈埋，平衡返味道同軟硬度，更容易接受。三文魚柳都幾大塊，表面微微封煎，入面仍保持粉嫩。仲有兩隻蝦同帶子，全部都好新鮮，其餘配料仲有野菌、三色椒同蕃茄粒。非常適合講求飲食健康嘅人士。
【香煎鵝肝拼美國穀飼牛柳】$228 - 鵝肝煎得啱啱好，顏色好似雞蛋布甸咁，望落去質感軟滑，另外鵝肝油仲鎖住喺入面唔會流晒出嚟。牛柳叫左五成熟，有啲部份稍為熟左少少，但由於牛柳本身夠高質所以都保持到肉汁豐富同牛味濃郁。我地嘅食法係一刀切晒鵝肝同牛柳再擺入口，一入口不得了。鵝肝啲油香就即刻「咇」晒出嚟，滿口油香同埋恰到好處嘅香羶味同牛柳嘅肉香喺口腔縈繞，兩者簡直係簡直係天作之合，千祈唔好分開食浪費晒。配菜亦都有大量嘅瓜菜，中和返食油食肉嘅膩感。
【焗蘋果批配雪糕】$65 - 豐富嘅晚餐當然要食埋甜品作結。蘋果肉一片片咁鋪喺批面，下面係一層蘋果蓉，味道酸中帶甜。批身偏薄，但批邊焗得酥脆，配上冰凍嘅雲尼拿雪榚，一凍一熱，爽！想再香滑啲仲可以搽埋忌廉食。另外仲有幾片鮮果作飯後果。
血拼後品嚐高質西餐，真係零舍好食! 阿媽食完就話：「完美晚餐就係咁先啱～」。唔駛俾錢嘅我梗係同意，多謝媽咪。
張貼
