佳記餐廳 (已結業)

Item: 佳記餐廳
Rating: 3
Author: monkey_baby

Kai Kee Restaurant

3.5

64 食評

味道

環境

服務

衛生

抵食

690

尖沙咀

$51-100

港式茶餐廳/冰室

monkey_baby

等級4

321

今日返左風，樓下超凍喎！但一早就比老公拉左去食早餐...叫我陪佢返工，專程黎到尖咀梗係要試新野啦！呢間茶餐廳係寶勒巷，行入少少，餐廳多人架喎！個餐都幾抵，$32就有早餐食，我叫左D餐，鮮茄濃湯牛肉通粉、火腿炒滑蛋同牛油豬仔包。先講下豬仔包，豬仔包幾抵食，有成1個唔係半個，仲有豐富既牛油！豬仔包皮薄，外層嗰塊脆皮仲卜卜脆tim！滑蛋好滑，好似用牛奶炒過咁，個feel有d麥叔叔蛋既質感，夠嫩滑。至於通粉，由於我放左起碼15分鐘先食，湯已經杰晒，味道超濃，鮮茄味味道好夠，好甜亦好多蕃茄！最後配返杯餐飲，真係good morning呀！

今日返左風，樓下超凍喎！但一早就比老公拉左去食早餐...叫我陪佢返工，專程黎到尖咀梗係要試新野啦！呢間茶餐廳係寶勒巷，行入少少，餐廳多人架喎！

個餐都幾抵，$32就有早餐食，我叫左D餐，鮮茄濃湯牛肉通粉、火腿炒滑蛋同牛油豬仔包。先講下豬仔包，豬仔包幾抵食，有成1個唔係半個，仲有豐富既牛油！豬仔包皮薄，外層嗰塊脆皮仲卜卜脆tim！滑蛋好滑，好似用牛奶炒過咁，個feel有d麥叔叔蛋既質感，夠嫩滑。至於通粉，由於我放左起碼15分鐘先食，湯已經杰晒，味道超濃，鮮茄味味道好夠，好甜亦好多蕃茄！最後配返杯餐飲，真係good morning呀！