大榮華酒樓

營業中

休息中

今日去左元朗行山。行到2點就黎3點出返返元朗！一行6人決定去食元朗大榮華！我唔少朋友都食過！我就第一次嘗試新野！由於已經係2點幾過左午市時間！所以我地都唔洗等位但係就要搭台！下午茶都全場爆滿！證明有幾咁受歡迎！我地好似唔洗錢咁勁叫！有好多出面茶樓都好少見既點心！除左叫燒賣蝦餃呢d必食點心之外。我地仲叫左白蓮包。馬蹄糕，茶果等等出面冇少見既點心！上點心都上得算快！大家都好肚餓勁快清曬～傳統野我覺得燒賣最好食！夠咬口，有鮮味！奶黃馬拉糕都好特別！唔知係咪因為肚餓既關係！覺得d菜心都好好味！我地都冇睇價錢係到狂叫點心。我未黎過心諗買單應該都貴架啦。點知買單個陣6個人先食左500蚊！！真係覺得又大件又抵食！Total 17個點心！一人先80蚊！仲要個個飽到飛起！值得推薦！