泰寶龍

營業中

休息中

行了差不多六個鐘頭山， 到了晚上當然要搵地方醫肚， 每次在西貢市中心都很喜歡到泰寶龍吃泰菜。 今次大約晚上八點鐘到達， 店內位置比較細已經坐滿客人，所以我們坐在室外。 要大大補充體力， 當晚晚餐有泰式菠蘿炒飯$85、 泰式炒金邊粉$65、 泰式生蝦$88、 泰式炒通菜$58、 泰式肉碎生菜包$85、 沙嗲串燒$78、青檸梳打$28、 香茅冰$28、 泰式奶茶$28。泰式炒金邊粉～ 炎熱的天氣，酸酸甜甜的金邊粉就係最開胃。泰式生蝦～ 泰菜必點的泰式生蝦， 厚肉大隻。泰式菠蘿炒飯～ 補充體力一定要吃返個飯， 每次都叫豬手飯，今次試下菠蘿炒飯， 味道正常， 都係覺得豬手飯比較好吃。沙嗲串燒～ 雞、牛串燒， 兩款燒得剛剛好， 有肉汁。泰式肉碎生菜包～ 豬肉生菜包， 肉碎炒得夠鑊氣又香， 加上脆卜卜口感的生菜， 好味！泰式炒通菜～ 辣辣地， 幾惹味。青檸梳打～ 清涼解渴， 味道很好。香茅冰～ 有微微的香茅味， 但飲到一半已發覺太多冰水了， 味道偏淡。泰式奶茶～ 都是跟香茅冰一樣太多水， 味道很淡。泰寶龍在西貢已經有一段日子， 間中都會掛住這裏的豬手飯， 下次有機會再嚟食！