影片
更多
2020-01-06
32 瀏覽
鮮果椰香奇亞籽布甸 $69又試到一間由品牌用品做到餐飲副業既餐廳 呢間係澳洲黎既輕食店會叫呢份奇亞籽布甸係因為一睇就覺得佢好健康 有麥片有一堆生果 事後發現原來奇亞籽係一種高營養價值既食材 有興趣上網research下官方介紹既用料包括時令水果 椰子麥片 奇亞籽 椰子乳酪 蜂蜜奇亞籽我係第一次食 口感似西米 呢碗野無論賣相定口味 都幾似椰汁西米露 不過就無咁流質 乳酪質感 蜂蜜我又唔係好覺 成碗野唔算甜 配合返佢既健康形象水果落得幾多 有士多啤梨藍梅橙等等 水果味道唔錯 另外既麥片加左啲唔同口感 唔同食材配合得幾好第一次食呢種產品又幾新鮮下 唔好見佢一碗仔咁 其實份量幾多下 好豐富巴馬火腿芝士手切多士 $56本來想試法式鮮果多士 後來諗叫左個布甸一甜一咸好似好啲 所以轉左軚要parma ham呢份多士烘得幾硬身 兩片麵包夾住芝士火腿 可能因為硬身 雖然得兩塊都比想像中飽味道黎講符合我想食份咸點既預期 而且碟邊既岩鹽都落得唔少 口味上自行調配 而檸檬汁落左會更易入口 當然通常配得檸檬角既材式我都覺得唔夠檸檬如果有機會再黎 我會想試埋份法式多士 賣相睇落好似好好食咁特濃鮮奶咖啡 $39朱古
鮮果椰香奇亞籽布甸 $69又試到一間由品牌用品做到餐飲副業既餐廳 呢間係澳洲黎既輕食店
會叫呢份奇亞籽布甸係因為一睇就覺得佢好健康 有麥片有一堆生果 事後發現原來奇亞籽係一種高營養價值既食材 有興趣上網research下
官方介紹既用料包括時令水果 椰子麥片 奇亞籽 椰子乳酪 蜂蜜
奇亞籽我係第一次食 口感似西米 呢碗野無論賣相定口味 都幾似椰汁西米露 不過就無咁流質 乳酪質感 蜂蜜我又唔係好覺 成碗野唔算甜 配合返佢既健康形象
水果落得幾多 有士多啤梨藍梅橙等等 水果味道唔錯 另外既麥片加左啲唔同口感 唔同食材配合得幾好
第一次食呢種產品又幾新鮮下 唔好見佢一碗仔咁 其實份量幾多下 好豐富
巴馬火腿芝士手切多士 $56
本來想試法式鮮果多士 後來諗叫左個布甸一甜一咸好似好啲 所以轉左軚要parma ham
呢份多士烘得幾硬身 兩片麵包夾住芝士火腿 可能因為硬身 雖然得兩塊都比想像中飽
味道黎講符合我想食份咸點既預期 而且碟邊既岩鹽都落得唔少 口味上自行調配 而檸檬汁落左會更易入口 當然通常配得檸檬角既材式我都覺得唔夠檸檬
如果有機會再黎 我會想試埋份法式多士 賣相睇落好似好好食咁
特濃鮮奶咖啡 $39
朱古力咖啡 $36
感覺澳洲人好鍾意飲咖啡 周圍都係coffee shop
試左呢間澳洲輕食店既咖啡 熱咖啡有拉花係必需 係咖啡香同咖啡味前已經有視覺上既滿足
我自己好少飲特濃咖啡 一黎我係容易受咖啡因影響到夜晚訓覺既人 二黎mocha或者latte易入口啲 岩哂我呢啲非咖啡專業戶既人 所以我比較欣賞杯mocha 幾好飲 幾岩我口味
張貼
