OX Steak Lounge

營業中

休息中

大埔開左間睇落幾精緻嘅西餐廳，環境燈光偏暗，貌似行中高檔路線。由佢裝修嘅時候已經開始留意，門口招牌有個S字母我成日路過見到都覺得佢係倒轉左🤔 餐廳主打唔同部位款式嘅牛肉。我地兩個人，試左個tasting menu同埋散叫左少少野，另外再叫左紅白酒配搭一下。 Tasting Menu🍄頂級牛肝菌忌廉湯：香濃嘅牛肝菌味，幼滑之餘都食到少少牛肝菌顆粒，忌廉好似有拉花（？）👅低溫慢煮煙燻牛舌沙律：簡單一個沙律清清地🥩韓國Minsok頂級純種韓牛1++肉眼：比較少接觸韓牛，煎得幾香，食落有適當嘅嚼勁，配菜嘅擺盤都幾有心思🍨頂級比利時心太軟.雪糕：心太軟配紅豆味雪糕，碟上面有朱古力粉logo A la carte🦪半打生蠔：唔記得左係咩款🥩低溫慢煮封門牛柳：封門柳通常都係打邊爐食，要黎慢煮都幾嫰滑🍟🥖a la carte main course可以任食兩樣野：薯條同麵包，最啱大胃王。薯條分別有茄汁同埋黑松露醬，麵包方面配有牛骨牛油。 整體擺盤都有啲心思嘅。座位方面幾舒適，大部分都係軟座，a la carte menu嘅薯條同麵包任食，最啱三五知己飲兩杯chill住食。