匠心廚房 (已搬遷) 新店位置

美孚的街坊真有食神！呢間「匠心廚房」，小店格局，座位不多，但晚飯時間座無虛席。滋補足料靚湯（$38）：當日係椰子栗子燉雞，清甜滋潤不油膩。小蠔肉碎煎蛋角（$78）：蛋角有蛋味，加入肉碎蠔仔做內餡更有口感。蝦米銀魚醬爆蘿蔔糕（$78）：好惹味、好香口的爆炒蘿蔔糕，我估靈魂在於蝦米銀魚醬呢！黑蒜蒸龍躉頭腩（$168）：好大盤，龍躉腩夠厚身，啖啖肉；黑蒜嘅香味滲透落每一件龍躉肉入面，非常入味。最好配一碗白飯呢！