廣記粥店

營業中

休息中

有啲時候，一個人係唔會有心情去research 某區有乜嘢好食，可能係唔想俾錢食好嘢，又或者唔想嘥時間去抵食嘅名店排長龍。今日路過粉嶺，點都要有嘢落肚，就走上聯和墟街市樓上求其搵間ok 多人食嘅坐低。阿姐話過咗午市，只係得燒味飯或盅頭飯，以粥鋪嚟講都算多元化。就要個叉燒燒鴨飯，跟凍豆漿，盛惠$32。雖然係燒味飯，呢碟嘢都幾多菜。街坊食堂嘅份量當然非常充足。叉燒比較瘦，亦無乜蜜汁香，燒鴨不過不失。反而豆漿唔錯，夠凍唔太甜。呢個價錢嚟講，交足功課。