正九清湯腩 (群星大廈)

營業中

休息中

清湯腩真係有一種魔力，有時喺街尾已經聞到街頭嘅清湯腩，嗰種清香卻又濃郁嘅味道，搞到明明唔肚餓都想停低整番碗。今日仲誇張，搭車經過觀塘，腦裏面突然諗起正九清湯腩，見仲有時間，就早幾個站落車，嘆碗正九清湯腩嘅清湯坑腩河先！炸魚皮魚皮非常香脆，完全無由億味，如果浸埋清湯一齊食，就有另一種風味。清湯坑腩河坑腩可以揀肥瘦程度，最正當然係半肥瘦啦！坑腩嘅肉味香濃，加上中間嘅筋膜，肉質軟腍卻又帶有口感。但其實最正係個河粉，河粉滑溜之餘，仲吸收晒坑腩嘅精華，加上湯底嗰種清香卻又濃郁嘅味道，真係好好味。五香牛展擔擔麵擔擔麵可以揀辣同唔辣，但略嫌麵底有少少鹼水味。至於五香牛展好淋好香，入晒味。