影片
更多
2008-05-31
37 瀏覽
本來約咗朋友仔去練波, 但book唔到場, 加上我身體未回復狀態, 所以都係遲d再練.消耗唔成, 唯有繼續吸收. 今日特別日子, 食好D, 就去咗我想試咗好耐嘅岩浪食天婦羅.大家都叫自選十件Tempura Course $110.跟餐:1) 沙律菜幾Fresh幾Crunchy2) 蒸蛋太水3) 個飯超濕超難食4) 面豉湯ok5) 仲有一小兜黑色一條條唔豬係乜ge前菜6) 普通的一杯咖啡天婦羅:1) 本地活蝦 - 都幾新鮮彈牙2) 沙魚 - 夠厚肉鮮味3) 瀨尿蝦 - 鮮甜好肉4) 鯧魚 - 普通白身魚, 冇乜特別5) 帶子紫蘇葉 - 我好鬼鐘意紫蘇葉, 有佢特別香Ｄ, 帶子都算爽甜6) 白魚包梅肉 - 白魚包住d酸酸地嘅梅子肉同汁, 幾清新7) 蒸鮑魚 - 爽甜彈牙, 好食 8) 白魚海膽卷 - 點得太多白魚, 開始有d麻木.9) 海膽 - 用紫菜包住D海膽炸, 外表酥脆, 入面軟糯, 口感唔錯, 但海膽炸咗就冇咗果種特有的鮮美, 所以not my cup of tea.10) 椎茸 - 又香又甜又juicy, 好味道!11) 年糕 - 朋友分半舊比我, 浸天婦羅汁,
消耗唔成, 唯有繼續吸收. 今日特別日子, 食好D, 就去咗我想試咗好耐嘅岩浪食天婦羅.
大家都叫自選十件Tempura Course $110.
跟餐:
1) 沙律菜幾Fresh幾Crunchy
2) 蒸蛋太水
3) 個飯超濕超難食
4) 面豉湯ok
5) 仲有一小兜黑色一條條唔豬係乜ge前菜
6) 普通的一杯咖啡
天婦羅:
1) 本地活蝦 - 都幾新鮮彈牙
2) 沙魚 - 夠厚肉鮮味
3) 瀨尿蝦 - 鮮甜好肉
4) 鯧魚 - 普通白身魚, 冇乜特別
5) 帶子紫蘇葉 - 我好鬼鐘意紫蘇葉, 有佢特別香Ｄ, 帶子都算爽甜
6) 白魚包梅肉 - 白魚包住d酸酸地嘅梅子肉同汁, 幾清新
7) 蒸鮑魚 - 爽甜彈牙, 好食
8) 白魚海膽卷 - 點得太多白魚, 開始有d麻木.
9) 海膽 - 用紫菜包住D海膽炸, 外表酥脆, 入面軟糯, 口感唔錯, 但海膽炸咗就冇咗果種特有的鮮美, 所以not my cup of tea.
10) 椎茸 - 又香又甜又juicy, 好味道!
11) 年糕 - 朋友分半舊比我, 浸天婦羅汁, 煙韌好味
食物用料普遍新鮮, 炸漿夠薄, 但食天婦羅, 炸功也要緊, 岩浪明顯唔及天扶良同稻菊, 剩係"Fig"油功夫巳差幾皮. 不過勝在夠平, 可以一試!: )
後話:
岩浪環境非常唔錯, 但最令我地不滿嘅, 係3位港藉師傅極度口水多過茶, 咁啱坐响我地隔離個男人又聲大又多口又扮哂野, 佢側跟嘅女伴亦不遑多讓, 你一言我一語, 搞到果度成個街市咁 (是日吧檯幾多人).
節錄騎呢對話如下:
1) 有人食壽司, 師傅Ricky切緊塊魚, 我隔離個大聲公問佢乜魚來, Ricky話係平政, 大聲公懶幽默咁話"條魚好平靜喎!", 我聽到經巳毛管棟, 典知Ricky竟然加句: "平政魚, 食咗就平平靜靜...". 真係納悶到想嘔!
2)大聲公一路食一路"E" "E" "Ng" "Ng"話呢件好食果個點正, 誇張到c. 最攪野係佢連食完舊望落唔多新鮮嘅三文魚都讚嘆不巳!
3)大聲公食完舊炸海膽拍哂檯話點解咁好食, 完全唔腥云云. 見到我朋友剛食完, 就搭哂爹問佢好唔好食. 我朋友都唔想理佢, 求其應佢話ok, 點知佢繼續大吹大擂, 不斷重覆話舊海膽天扶羅點正點正, 最驚嚇係佢講講下up咗句令我同朋友都R爆頭嘅野: 唔! (作深呼吸狀), 個海膽真係好....好....好....."和"!!!!
跟手就重覆咗呢句9千幾次....
我同朋友到依家都唔明, 乜野叫做"好和"
4)大聲公又慨嘆食完今餐"lunch"對佢影响好深遠, 話呢個完全係新開始, 因為佢原本好怕腥, 但食過舊唔腥嘅炸海膽後就對海膽完全改觀...(喂呀! 炸咗嘅海膽係連海膽味都冇乜嫁啦, 你又對海膽改什麽觀呀???!!!)
5)仲得人驚嘅係佢話本來佢都好怕食3文魚籽, 因為好腥(??!!), 依家唔怕lu...咁佢話3文魚籽腥我巳經咄奇, 但最搞鬼係佢今餐應該冇食3文魚籽的, 咁典解食完舊好"和"嘅海膽天掃羅會連3文魚籽都啱食?
6)無奈地師傳Ricky竟然搭哂嘴同哂意
7)大聲公見我地响度影相, 又好煞有介事咁話: 唏我依家成日見人影食物相架, 我覺得好普通, (再加强語氣) 好唔出奇囉!! *_* "
8)大聲公又問中間個細細粒嘅師傅典解身上冇好似Ricky咁有個名牌, 細細粒話: 唏我地呢d 2打6只係負責掃地同執頭執尾, 邊有資格掛名片吖....
(佢當時幫手做緊野比我地食.....你係2打6都唔好咁大聲吖, 你serve緊我地嫁麻 @@)
好不容易捱到大聲公走, 點知跟手來咗一家三口, 又係嘈到拆天. 事後同朋友講番, 大家都講得一來係我地唔好彩, 遇着批多口大聲客, 2來係d師傅風氣唔好, 勁撩d客講野, 本身師傅同客人傾兩句實在無可厚非, 他佢地傾得太多, 太大聲, 太up三up四...
本來大家想hea多陣傾下計, 最終都係頂唔順, 36着走為上着!
張貼
