幸茶舍 (已結業)

幸茶舍係正南昌街市入面，可能會得呢度既街坊先會得閒幫襯。雖然唔係住呢頭，但咁啱去朋友屋企途中又想食少少野，於是去買左個鹽酥雞同芝士魚餅食。疫情關係都令都小店生意難做，大家都可以盡力多多支持一下。個鹽酥雞三十幾蚊價錢唔算話好平，但𠸝唔好俾價錢嚇親，因為佢即叫即炸既關係，去到叫要等一等，所以非常熱辣辣，而且份量都好大份，性價比非常高👍🏻👍🏻👍🏻👍🏻自己一個女仔可能會食唔哂，兩個人share應該啱啱好！雞肉好juicy又入味！好食👍🏻👍🏻👍🏻芝士魚餅要二十幾蚊，味道都好味，但性價比都係鹽酥雞高啲，多人食都可以叫黎試下。佢另外仲有好多飲品同面餐，下次想外賣返屋企都可以再試下。