影片
更多
2019-05-31
528 瀏覽
自問我係一個串燒控，成日都周圍揾串燒食，今次去到太子咪去試呢間許願樹串燒店，其實呢間只係其中一間分店。舖內位置有限，通常都要開枱喺門口旁食。宜家天氣炎熱，坐門口無冷氣咁食串燒都相當辛苦！但係我今次遠道而來，無理由空手而回。唯有開枱坐門口旁，再叫罐冰凍嘅可樂消消暑丶解解渴吧！串燒的款式都唔少，一般嘅串燒款式都有提供。當中有很多較特别，比較罕見的款式，例如：孜然烤豬手丶雄仔燒鵝肝丶原條燒臘腸丶話梅粉燒菠蘿及各式的海鲜。大名鼎鼎嘅雄仔燒鵝肝，賣相很特别，很少串燒店售賣呢款燒物。我個人不嗜鵝肝，反而較欣賞嗰片多士，鬆脆得嚟唔會過燶，口感不錯！燒雞中翼有水準，皮脆肉滑，醃料夠入味。火喉剛剛好，雞皮燒至金黃，又唔過火，十分出色！燒韮菜是必選的，韮菜燒完很爽脆，放上孜然粉或辣粉一起燒，非常惹味！簡直食唔停口！讚！燒春蛋好適合用燒烤呢個方法烹調，因為蛋白部份燒完後，會變乾及硬，食起嚟有咬口和煙韌的感覺，非常特别！中間嘅燒牛肉用上肥牛，與一般嘅串燒店不同，份量非常足，肥牛密麻麻的穿滿一支長的竹簽。抵食之選！燒雞軟骨很有咬口，绝不油膩，因為喺燒嘅過程已經將多餘嘅油份逼出，放心食用吧！孜然烤豬手$48，一份
舖內位置有限，通常都要開枱喺門口旁食。宜家天氣炎熱，坐門口無冷氣咁食串燒都相當辛苦！
但係我今次遠道而來，無理由空手而回。唯有開枱坐門口旁，再叫罐冰凍嘅可樂消消暑丶解解渴吧！
串燒的款式都唔少，一般嘅串燒款式都有提供。當中有很多較特别，比較罕見的款式，例如：孜然烤豬手丶雄仔燒鵝肝丶原條燒臘腸丶話梅粉燒菠蘿及各式的海鲜。
大名鼎鼎嘅雄仔燒鵝肝，賣相很特别，很少串燒店售賣呢款燒物。我個人不嗜鵝肝，反而較欣賞嗰片多士，鬆脆得嚟唔會過燶，口感不錯！
燒雞中翼有水準，皮脆肉滑，醃料夠入味。火喉剛剛好，雞皮燒至金黃，又唔過火，十分出色！
燒韮菜是必選的，韮菜燒完很爽脆，放上孜然粉或辣粉一起燒，非常惹味！簡直食唔停口！讚！
燒春蛋好適合用燒烤呢個方法烹調，因為蛋白部份燒完後，會變乾及硬，食起嚟有咬口和煙韌的感覺，非常特别！
中間嘅燒牛肉用上肥牛，與一般嘅串燒店不同，份量非常足，肥牛密麻麻的穿滿一支長的竹簽。抵食之選！
燒雞軟骨很有咬口，绝不油膩，因為喺燒嘅過程已經將多餘嘅油份逼出，放心食用吧！
孜然烤豬手$48，一份約五件，喜歡食豬手嘅朋友唔好錯過，因為唔多串燒店提供呢款食物。不妨一試！
話梅粉燒菠蘿簡直係驚喜之作，本身菠蘿酸酸甜甜的，可以中和肉食的油膩感。重點是話梅粉起了點睛的作用，將整個食味提升到極致，真的十分欣賞這個配搭，很有心思！
總括而言，交出應有的水準。一試無妨！
張貼
