影片
更多
2021-10-16
1056 瀏覽
中午時份去咗長沙灣嗰邊搵朋友食晏，佢睇完魷魚遊戲之後，話想食韓國嘢🇰🇷。經上網搜尋後，我哋發現昌華街開咗間新嘅韓國餐廳，名叫「TATA KSR 韓式。燒烤」。唔知點解小店嘅門面都帶俾我一種置身於韓國嘅感覺，可能因為隔離牆身用上紅磚🧱。店舖面積比想像中還要細，座位大約得15個左右🙈。小店有提供午市套餐，共五款選擇🥢，價錢由$60至$80不等，包飲品。我哋另外仲以優惠價加配咗湯。芝士豬扒飯($70)，芝士豬扒係韓國嘅大熱菜式🐷，豬扒以吉列脆炸，酥脆得嚟唔算熱氣，而內裡就係夾咗芝士嘅豬扒。🧀芝士並非拉絲嗰種，但你仍可見到佢有幾流心。伴旁有啲沙律醬同青瓜絲，配埋飯食唔錯。TATA蛋炒飯($60)，炒飯炒得夠乾身，而且採用咗珍珠米，大大粒，粒粒分明🍚。炒飯用上唔少料一齊炒，包括豬肉、香腸、蛋同蔥等，如果可以加埋泡菜炒，相信口感會更佳。炒飯其實都幾夠味，但食到尾就覺得鹹咗少少。牛骨丸子湯(原價$48)，湯品熱辣辣送上🔥，店員溫馨提示叫我哋小心睇熱。牛骨湯煲至奶白色，味道幾濃郁，入面嘅丸子係墨魚丸。總括嚟講，呢間小店毫不起眼，但原來係賣韓式料理😁。如果晚市嚟更加可以試佢嘅燒肉。題外話，店舖得一個年輕
中午時份去咗長沙灣嗰邊搵朋友食晏，佢睇完魷魚遊戲之後，話想食韓國嘢🇰🇷。經上網搜尋後，我哋發現昌華街開咗間新嘅韓國餐廳，名叫「TATA KSR 韓式。燒烤」。
唔知點解小店嘅門面都帶俾我一種置身於韓國嘅感覺，可能因為隔離牆身用上紅磚🧱。店舖面積比想像中還要細，座位大約得15個左右🙈。
小店有提供午市套餐，共五款選擇🥢，價錢由$60至$80不等，包飲品。我哋另外仲以優惠價加配咗湯。
芝士豬扒飯($70)，芝士豬扒係韓國嘅大熱菜式🐷，豬扒以吉列脆炸，酥脆得嚟唔算熱氣，而內裡就係夾咗芝士嘅豬扒。🧀芝士並非拉絲嗰種，但你仍可見到佢有幾流心。伴旁有啲沙律醬同青瓜絲，配埋飯食唔錯。
TATA蛋炒飯($60)，炒飯炒得夠乾身，而且採用咗珍珠米，大大粒，粒粒分明🍚。炒飯用上唔少料一齊炒，包括豬肉、香腸、蛋同蔥等，如果可以加埋泡菜炒，相信口感會更佳。炒飯其實都幾夠味，但食到尾就覺得鹹咗少少。
牛骨丸子湯(原價$48)，湯品熱辣辣送上🔥，店員溫馨提示叫我哋小心睇熱。牛骨湯煲至奶白色，味道幾濃郁，入面嘅丸子係墨魚丸。
總括嚟講，呢間小店毫不起眼，但原來係賣韓式料理😁。如果晚市嚟更加可以試佢嘅燒肉。題外話，店舖得一個年輕男店員主理，佢包辦晒樓面同廚房所有工作，一腳踢，勁啊！
張貼
