洪記粥品 (已結業)

食物質素差到不行, 猶如糟蹋食物。叫咗皮蛋瘦肉粥、炸両、炒麵, 但係炒麵碎上到好似 BB 嘢食咁, 賣相顏色偏淡之餘仲要勁稔, 完全冇溫度, 食落唔熱仲冇咩味, 唔知食緊咩嘢！炸両要脆先好食, 而佢係完全唔脆, 都唔知擺咗幾多個鐘, 感覺好似食緊海綿一樣, 同樣冇溫度, 粉皮又厚。店內衛生情況唔理想, 一打開筷子櫃桶就見到好幾條曱甴腳, 仲要咁啱有隻新鮮曱甴仔移動緊, 即刻唔想食, 成個餐六十幾蚊簡直浪費金錢, 浪費食物, 唔會想再幫襯, 亦提醒大家商場仲有好多選擇。