影片
更多
2024-02-01
1272 瀏覽
嚟過呢間餐廳三次左右, 之前都覺得唔多衛生, 今日大開眼界。 1. 首先啲茶杯碗碟全部有油漬, 有一隻碗同匙羹竟然有一大pat食物殘渣都照俾我， 唔止要換一次，拎俾客人嘅碗碟都咁污糟, 廚房睇唔到嘅真係唔知點！ 同埋餐廳係用地氈一浸霉味，地下地氈好污糟2. 短髮戴眼鏡員工本來戴住口罩,但係竟然打開口罩向住張已經更換新枱布但未有客人嘅枱打乞嗤，然後再帶返個口罩, 即係唔想啲鼻涕整污糟個口罩, 寧願啲鼻涕污染張枱？ 3. 問佢攞個外賣盒, 佢搲完頭皮又搲屁股，先攞個外賣盒俾我, 佢掂過我都唔想掂。4. 賀年食品嘅蘿蔔糕就咁擺喺枱面, 完全冇遮擋，啲職員同埋食客行過全部會經過，鋪晒塵, 這餐廳有蚊滋， 訂咗呢啲蘿蔔糕嘅人真係自求多福。5. 食物質素方便， 叫咗個海參麵， 海參好硬洗唔乾淨有好多沙， 燒賣腸粉嗰啲就正常酒樓食物，唯一好處就係佢啲嘢好大碟， 味道亦屬正常，可惜衛生唔太理想，啲蒸籠好多污漬同埋發霉。今次食完大家都話以後真係唔會再去，嚇怕了！
1. 首先啲茶杯碗碟全部有油漬, 有一隻碗同匙羹竟然有一大pat食物殘渣都照俾我， 唔止要換一次，拎俾客人嘅碗碟都咁污糟, 廚房睇唔到嘅真係唔知點！ 同埋餐廳係用地氈一浸霉味，地下地氈好污糟
2. 短髮戴眼鏡員工本來戴住口罩,但係竟然打開口罩向住張已經更換新枱布但未有客人嘅枱打乞嗤，然後再帶返個口罩, 即係唔想啲鼻涕整污糟個口罩, 寧願啲鼻涕污染張枱？
3. 問佢攞個外賣盒, 佢搲完頭皮又搲屁股，先攞個外賣盒俾我, 佢掂過我都唔想掂。
4. 賀年食品嘅蘿蔔糕就咁擺喺枱面, 完全冇遮擋，啲職員同埋食客行過全部會經過，鋪晒塵, 這餐廳有蚊滋， 訂咗呢啲蘿蔔糕嘅人真係自求多福。
5. 食物質素方便， 叫咗個海參麵， 海參好硬洗唔乾淨有好多沙， 燒賣腸粉嗰啲就正常酒樓食物，唯一好處就係佢啲嘢好大碟， 味道亦屬正常，可惜衛生唔太理想，啲蒸籠好多污漬同埋發霉。
今次食完大家都話以後真係唔會再去，嚇怕了！
張貼
