天香牛什大王 (已結業)

琴日溫度高達30度超晒﹐行經呢度見出面都坐滿人﹐所以就入去食諗住裡面會涼d. 點知裡面既溫度同出面差無幾, 又焗﹐又熱。(剩係見到佢地開把風扇﹐一d冷氣都冇) 。地下就油淋淋﹐係裡面行就好似流冰咁。坐底後﹐就拿起插係臺上果d 疊埋一齊既menu來睇﹐但係d menu 就濕濕“立立” ﹐仲有小許啡色既液體滴下。衛生情況惡劣。最後叫左牛肚+牛肺河﹐老婆就叫牛肚麵。湯底因為有蒜頭﹐蔥同冬菜﹐所以味道較濃但香。牛肚炆得幾淋﹐牛肺亦脆嫩﹐幾好。雖然呢度價錢大眾化﹐但衛生方面應該起碼要擁有基本既standards。