影片
更多
2013-11-25
2438 瀏覽
眾多親友當中，小肥同FF表妹感情最好，適逢表妹生日，小肥表哥當然係比佢話哂事，同佢食飯慶祝啦 ！表妹所揀選o既Masu距離蘭桂芳只係一個街口，離巴士站、小巴站、地鐡站、電車站都相當近，交通本應好方便，可惜去餐廳必先行上一條樓梯，雖然梯級數目唔算多，但對於年紀大又或者係行動不便o既客人黎講就有啲難度囉 ！餐廳有個坐得十幾人o既sushi counter，同埋約十張散枱，地方寬敞，光線充足柔和，梳化櫈亦闊落舒適，以黑色為主o既裝修配上爵士背景音樂，簡單中帶一份潮味。當晚招呼我地o既兩位服務生都唔識講中文，估計係尼泊爾人。佢地一男一女都非常友善，除咗落單時推介食物，食飯中途亦親自為我地換碟，飯前飯後更自動送上熱毛巾，極為體貼 ！當XO仔提及到喺餐廳網頁度睇到佢地做緊個吞拿魚同海膽promotion，哥仔就解釋話其實個promotion啱啱已經完咗，不過因師傅唔介意為我地烹調，所以就攞咗個牌出黎比我地揀，我地兩老表心感無限感激之餘，當然係立刻連聲道謝啦 ！表妹最愛食菜，所以先點咗一味沙律，而表哥則提議叫一客壽司及小食送自攜o既日本sake「麒麟秘藏酒」。除咗試餐廳特別為我地炮製o既海膽
表妹所揀選o既Masu距離蘭桂芳只係一個街口，離巴士站、小巴站、地鐡站、電車站都相當近，交通本應好方便，可惜去餐廳必先行上一條樓梯，雖然梯級數目唔算多，但對於年紀大又或者係行動不便o既客人黎講就有啲難度囉 ！餐廳有個坐得十幾人o既sushi counter，同埋約十張散枱，地方寬敞，光線充足柔和，梳化櫈亦闊落舒適，以黑色為主o既裝修配上爵士背景音樂，簡單中帶一份潮味。
當晚招呼我地o既兩位服務生都唔識講中文，估計係尼泊爾人。佢地一男一女都非常友善，除咗落單時推介食物，食飯中途亦親自為我地換碟，飯前飯後更自動送上熱毛巾，極為體貼 ！當XO仔提及到喺餐廳網頁度睇到佢地做緊個吞拿魚同海膽promotion，哥仔就解釋話其實個promotion啱啱已經完咗，不過因師傅唔介意為我地烹調，所以就攞咗個牌出黎比我地揀，我地兩老表心感無限感激之餘，當然係立刻連聲道謝啦 ！
表妹最愛食菜，所以先點咗一味沙律，而表哥則提議叫一客壽司及小食送自攜o既日本sake「麒麟秘藏酒」。除咗試餐廳特別為我地炮製o既海膽及吞拿魚限定菜式，明知Masu係一家爐端燒料理，我地亦不忘叫咗三款燒物試吓餐廳o既主打食品！
Shabu Shabu Salad with Spicy Sesame Sauce涮涮鍋沙律（$100）：依味沙律無論係菜定係牛肉，兩者o既份量都可稱得上為勁量級 ！牛肉啱啱好夠熟，肉質唔老，同個微辣o既芝麻汁好夾，小肥只係嫌啲菜好苦（表妹話OK，所以佢包銷啲菜 ，表哥就負責食牛肉）。
Japanese Globefish珍味魚干（$80）：暖暖o既雞泡魚干，其煙韌o既質感同帶甜o既味道只屬一般。
Semi Fatty Tuna Sushi（$ 80/pc）：魚生中小肥最愛吃油甘魚，可惜當日冇哂貨 ，所以我地最後叫咗兩件中拖羅壽司。中拖羅壽司雖然唔係入口即溶，但勝在份量足，質感尚算中規中矩。
Special Promotion之Tuna Tartar Trio – Spicy, Yuzu, & Crunchy Mayo（$85）：我地兩個都同意應該由右手邊o既柚子味食起，向左移會越食越濃味。右手邊o既柚子吞拿魚粒粒酸酸甜甜；中間o既意日混合兒之「混醬」吞拿魚他他以橄欖油、醋、及沙律醬調味，加上魚子喺面，質感最滑，味道偏甜；左手邊o既Kimchi吞拿魚他他"fuse"得唔錯，唔會太辣，溝埋中間嗰款「混醬吞拿魚」更另有一番風味 ！小肥建議餐廳應該考慮長期供應依味咁有創意o既醒胃fusion菜式！
Special Promotion之Masu Hon-Maguro House Roll – Fatty Tuna, Sea Urchin, Salmon Roe & Sweet Shrimp（$120）：小肥好怕食三文魚子，嫌佢重口味，但係表妹一再強調靚o既三文魚子係絕對唔腥唔咸，而且係佢生日，表哥當然係順表妹意叫黎試吓啦 ！Masu獨家推出o既Masu Hon-Maguro House Roll好正，雖則唔係好食得出有甜蝦，但海膽滑溜，三文魚子唔咸唔腥，吞拿魚碎又夠濃味，配搭優質新穎，表妹真係好有眼光 ！
Special Promotion之Sea Urchin Wrapped in Seaweed Tempura w/ Green Tea Sea Salt（$ 98）：海膽天婦羅外層o既紫菜薄脆乾身，主材海膽香甜嫩滑，既新鮮又新奇！輕輕粘上綠茶鹽，野味得黎散發著陣陣清香，猶如置身於大海中嘆茶 ，真係寫意！
Masu Robata Skewers – Ox Tongue牛舌（$ 45/串）：牛舌厚得黎好韌，而且落得太多胡椒同蒜頭，所以好咸 ，全晚最唔掂之菜式！
Masu Robata Skewers – Kagoshima Black Pork Belly五花腩（$ 42/串）：厚厚o既五花腩肥瘦分明，尚算香口野味，可惜食完成口油，XO仔對此燒五花腩有所保留！
Masu Robata Skewers – Homemade Minced Chicken Ball雞肉軟骨棒（$ 48/串）：燒物中以此款雞肉軟骨棒最為美味！雞肉碎中除咗混入咗雞軟骨，入面仲有大大粒芝麻，配上哥哥仔喺我地面前以雞蛋攪製之醬汁，效果香脆爽甜且唔太粘，掂呀 ！其他收費及優惠：
開瓶費：喺餐廳每幫襯一樽酒，即可豁免一樽自來酒o既開瓶費。
2013年12月31日前用AE埋單可享有9折優惠
有樣野不得不提o既就係餐牌紙造o既內頁頗為「巢」皮殘舊，且有不少醬汁痕跡，用膳時又有兩隻唔知蚊定烏蠅o既物體飛黎飛去，令XO仔幾反感 ，故此扣咗餐廳兩分衛生分。總結，位於中環o既Masu其實位置同室內環境都幾唔錯，唯一大廈前面條樓梯有少少歧視行動不便之食客；年紀唔細o既大肥爸爸一聽到要行樓梯就第一個灑哂手拎埋頭話冇興趣試 。雖則Masu主打爐端燒料理，但小弟覺得師傅所精心炮製o既魚生卷物交燒物更為出色，其吞拿魚及海膽限定菜式尤其嶄新美味，兼且大件夾抵食。此外，外籍服務生落力有禮，工作不假手於人，事事親力親為，值得嘉許。見FF表妹食到讚不絕口，小肥表哥用AE埋單又有九折優惠，可以話係「雙贏」呀 ！
張貼
