菓屋 (已結業)

繼續掃街之旅，食到咁上下好友話想飲啲解膩嘅飲品，經過依間木系裝潢、主打生果茶嘅茶飲店，記得網上都有幾多人推薦，見未試過又試下。百香果茶 $25/ 蜂蜜橙茶 $25水果選擇算多，仲有期間限定。千挑萬選都係要返自己最鍾意嘅熱情果，叫咗少冰但仲係好凍好凍；杯入面有少少熱情果籽，茶味唔突出，味道似包裝飲品，有啲失望。另外好友嗰杯蜂蜜橙茶都係略淡，整體一般。好彩葵廣茶飲黃店多，東家唔飲西家，總有一間啱自己口味。