土司工坊 (PopCorn 1)

營業中

休息中

之前係地下個層，真係都可以話好食，但今次上嚟開呢間新店，真係差到不得了！碗喇沙麵入面啲麵全部係碎架！好似啲人食剩or 平時剪短俾小朋友個隻碎，即刻同員工反應，佢哋有換過碗，話可能㕑房將個麵煮耐左，但係其實之後個碗都係咁，已經冇乜胃口，再加上我見到其他食客碗喇沙麵都係咁，咁我就知應該係餐廳入咗隻差貨，唔單止係咁，個喇沙湯仲要酸架！真係唔好食，而且啲魚蛋冇味，魚片又勁硬！油菜上碟，又要夾雜咗一啲碎濕濕嘅幾條米線，啲菜又煮到勁老！個海南雞啲雞份量又少又冇味，最後杯奶茶根本就係花奶溝水再冰，真係唔好食又難飲，唔會再嚟。