石一燒 (九龍城) (已結業)

朋友話想食燒肉，佢帶左我去一間被低估隱世燒肉📍宋皇臺 石一燒我哋食左：極上二人前，石燒和牛🪨自己燒可以控制食嘢既速度，可以慢慢品嘗食飯既味道，做到慢活享受。🥢和牛真係冇得彈九州A4和牛三角腩：牛肉肉質比較厚實九州A4和牛上前腿肉：薄切和牛，雪花分佈平均，肉質幼嫩澳洲和牛封門柳：牛味好重建議先食和牛前腿肉再食和牛三個腩最後係和牛封門柳🥢前菜（三品）炸鮮奶，炸鮮奶外層好脆，入面鮮奶鬆軟。蟹柳，螺肉沙律🥗係一大盒，我哋一半都食唔到櫻花蝦味噌湯，櫻花蝦超多，舖滿成個碗菇盛會飯日本烏冬綠茶雪糕，綠茶🍵係自己搞均勻，好似日本品茶咁，好有特色。咖啡💥最近餐廳有一個啤酒🍻挑戰奧利恩生啤（沖繩）奧利恩黑啤（沖繩）七寶札幌啤酒（北海道）七秒飲晒一杯350ml啤酒🍻送多杯總結：餐廳食物高質，份量好多，除咗和牛，櫻花蝦味噌湯同甜品都好欣賞。餐廳雖然唔係好大，但是環境佈置好日式，值得推介比朋友。📍 石一燒 (九龍城) (九龍城)九龍城啟德道55號AVA55地下6號舖10分滿分味道：8.5/10環境：8.5/10價格：7.5/102人總數💰784（已加一）人均392