煲仔榮記 (已結業)

門口大大個好吸睛嘅招牌，但個入口好隱蔽，我三次經過想入去都無職員招待，服務差D。先從結論講起，就係都幾失望。試左沙嗲雞皮卷煲仔麵($78) & 蕃茄豬頸肉煲仔麵($78)，就咁望落個湯底你會以為好濃，但點估到食落完全唔係個回事，兩個湯底食落都係唔咸唔甜又唔香，結果我兩碗麵都要落佢嘅煲仔飯鼓油同蝦油蒜油，另外，佢豬頸肉份量少而且同好頹，已經炸到唔爽，對唔得住呢個價位。唯一值得讚得雞皮卷，第一次食，皮脆肉嫩。就算再幫襯都唔會食佢個麵。