ROYAL INN

法式龍蝦濃湯龍蝦湯唔錯，香濃嘅龍蝦味再配上忌廉，口感香甜順滑，再加上一塊香脆嘅麵包，整體視覺同埋口感都不俗。西班牙黑毛豬鞍架豬肉唔會煎得過分熟，恰到好處，而且廚房已經預先幫你切好豬肉，十分細心。豬鞍口感柔嫩，而且肉質飽滿，再配上廚師特條嘅微酸肉汁，再加上新鮮嘅配菜，令到整體口感都平衡，完全不會肥膩。法式大蒜蘑菇忌廉烤雞今晚嘅主菜蘑菇忌廉烤雞真係值得一讚。鮮嫩嘅雞肉配上香滑嘅忌廉原來可以如此美味。雞肉處理得剛剛好，就算雞胸嘅部位都十分幼嫩，再配上特製嘅忌廉汁，令到口感再次昇華，底部嘅蘑菇同埋薯吸收咗肉忌廉嘅精華，鮮而不膩。最後值得一提嘅係，廚師喺道餸灑上炸過嘅洋蔥絲，令到香味再度提升。