影片
更多
2025-02-02
245 瀏覽
暫停咗一段時間嘅餃子約會又嚟啦，今次揀咗深水埗餃子名店「家後」嘅分店Cafe「家後2.0」，原本係去「家後」嘅點知7點半去到都仲大排長龍，老闆建議我哋去佢分店可以快啲有位，而且座位都舒適好多。「家後2.0」同本店style完全唔同，行cafe文青路線，餐牌同價錢基本上都係同本店一樣，但開心嘅係唔使大排長龍，我哋等咗5分鐘就有得入座。上菜都好快，好快就放到一枱都係食物，我哋點咗湯餃（麻辣白菜/韮菜）、煎餃（芫茜/洋蔥）、麻辣雞翼、生菜同豆漿。煎到金黃色嘅餃子睇到都流口水餃子皮煎完都唔會硬掘掘，顏色均勻，係屋企完全做唔到嘅效果。有滿滿芫茜嘅餃子，皮薄餡靚，皮脆肉餡多汁，芫茜味好香濃，芫茜控一定要試。而洋蔥就好香甜，又爽又多汁，一樣都好好食。湯餃一樣好出色，一樣係皮薄餡靚，韮菜餃肉餡多汁有濃厚韮菜味，好食。粉紅色嘅係麻辣香菜，白菜好爽脆，麻與辣比例適中，係開胃之選。麻辣雞翼好大隻，食落啖啖肉，相比麻辣白菜餃，麻辣雞翼嘅麻辣相比淡一啲。開心果巴斯克芝士蛋糕煎餃湯餃好食不在話下，芝士蛋糕更加係出色，開心果味好濃，每一啖蛋糕都似食緊開心果，開心果味濃得嚟又食到厚厚嘅芝士味，除咗開心果味仲有原味藍莓
「家後2.0」同本店style完全唔同，行cafe文青路線，餐牌同價錢基本上都係同本店一樣，但開心嘅係唔使大排長龍，我哋等咗5分鐘就有得入座。
上菜都好快，好快就放到一枱都係食物，我哋點咗湯餃（麻辣白菜/韮菜）、煎餃（芫茜/洋蔥）、麻辣雞翼、生菜同豆漿。
煎到金黃色嘅餃子睇到都流口水
餃子皮煎完都唔會硬掘掘，顏色均勻，係屋企完全做唔到嘅效果。
有滿滿芫茜嘅餃子，皮薄餡靚，皮脆肉餡多汁，芫茜味好香濃，芫茜控一定要試。而洋蔥就好香甜，又爽又多汁，一樣都好好食。
湯餃一樣好出色，一樣係皮薄餡靚，韮菜餃肉餡多汁有濃厚韮菜味，好食。
粉紅色嘅係麻辣香菜，白菜好爽脆，麻與辣比例適中，係開胃之選。
麻辣雞翼好大隻，食落啖啖肉，相比麻辣白菜餃，麻辣雞翼嘅麻辣相比淡一啲。
開心果巴斯克芝士蛋糕
煎餃湯餃好食不在話下，芝士蛋糕更加係出色，開心果味好濃，每一啖蛋糕都似食緊開心果，開心果味濃得嚟又食到厚厚嘅芝士味，除咗開心果味仲有原味藍莓味，下次會再嚟試埋其他味。
張貼
