Plato Cafe & Bistro (裕民坊YM²)

今日去裕民坊，上咗3樓嘅花園餐廳食lunch，最後去咗Plato Cafe & Bistro。入到餐廳，環境闊落，主要有4人卡位同靠窗邊嘅2人座位，可以一邊睇景一邊食嘢。Lunch set包1份主餐、田園沙律/是日餐湯、1杯$32飲品。另可追加小食同甜品。我地點咗2份lunch set，一份西班牙黑毛豬鞍同一份澳洲肉眼牛排，另加$28點咗一份日式芝士餅。前菜點一份田園沙律同一份是日餐湯。是日餐湯係蕃茄紅菜頭湯，味道唔錯。西班牙黑毛豬鞍配蘋果蓉，蘋果蓉嘅甜味配豬鞍都幾夾。主食點咗意粉，意粉煮得啱啱好，唔會太硬或太腍。澳洲肉眼牛排配紅酒燒汁，牛排可選三成熟、五成熟、七成熟同全熟。我點咗七成熟，主食點咗飯。飲品點咗一杯英式奶茶同一杯cappuccino。奶茶係紅茶同奶分開上，可以自己調配鍾意嘅奶茶比例。