Ruên Thai & Vietnamese

營業中

休息中

今日約朋友去尖沙咀間泰國及越南菜餐廳食晚飯，平時經過都唔覺，夜晚餐廳燈光柔和，突出咗裝修風格，表現出另一景象。叫咗幾個小菜加兩杯泰式珍多冰。泰式椰菜苗，椰菜苗菜味濃郁，炒得幾好食幾特別。泰式蝦餅，幾乎係必點菜式，蝦餅肉厚炸得香，蝦肉彈牙有鮮味。原隻炭燒魷魚，原隻新鮮魷魚炭火燒烤，有炭火香亦保留魷魚鮮味，辣汁香辣刺激。炭燒香茅西冷牛肉，薄牛肉包住香茅炭燒，好香好嫩，有生菜伴碟可以包住食，仲有三片米粉都爽滑好味。餐廳環境真係好靚，服務員服務細心有禮，享受食物之餘，環境都好舒服。