影片
更多
2015-09-01
1831 瀏覽
第二次幫襯，第一次幫襯鑽石山店，講真感覺一般，但有張豆腐couple今日到期，唔想浪費，所以約咗個荃灣友諗住平平哋用咗佢，點知越叫越多人，叫埋喺紐西蘭識嘅北京朋友又再「能」埋佢個fd, 意想不到佢朋友竟然係褔建人，褔建人評褔建菜，有趣有趣。獅蛤，上次去鑽石山賣唒，menu內第一頁第一味餸，張相影得超吸引，成坐山咁高，但理想同現實總有分別，現實中已被愚公移山，每隻size如手指公手指甲size, 但新鮮，個汁好好味，生蒜辣味加辣椒辣味，根本撈咩都好味，後尾我變態到直接飲個汁
九轉小腸，無內臟臭味，賣相精緻
笋凍，$33，唔係褔建人應該唔會點呢個，在menu內毫不起眼，最可怕係佢入面並唔係腸，褔建朋友話係蟲，但上網查咗係疑似蟶子嘅海洋生物。褔建朋友話佢係最係福建特色嘢，會整到棋子狀，配一個酸甜汁。其實咩都好，我都未驚過反而覺得好有趣。佢jelly狀，一條條白色似貝類，爽口，底層有一灰色外貌似黑芝麻蓉嘅泥狀物質，但無味，配wasabi豉油，講真賣相唔太開胃，只可以用特別和有趣來形容它，談不上美味，褔建朋友說不是配酸甜汁更令她太失所望。
脆皮芋頭，$88，上次都想點但兩個人食唔到咁多。本身覺得
獅蛤，上次去鑽石山賣唒，menu內第一頁第一味餸，張相影得超吸引，成坐山咁高，但理想同現實總有分別，現實中已被愚公移山，每隻size如手指公手指甲size, 但新鮮，個汁好好味，生蒜辣味加辣椒辣味，根本撈咩都好味，後尾我變態到直接飲個汁
九轉小腸，無內臟臭味，賣相精緻
笋凍，$33，唔係褔建人應該唔會點呢個，在menu內毫不起眼，最可怕係佢入面並唔係腸，褔建朋友話係蟲，但上網查咗係疑似蟶子嘅海洋生物。褔建朋友話佢係最係福建特色嘢，會整到棋子狀，配一個酸甜汁。其實咩都好，我都未驚過反而覺得好有趣。佢jelly狀，一條條白色似貝類，爽口，底層有一灰色外貌似黑芝麻蓉嘅泥狀物質，但無味，配wasabi豉油，講真賣相唔太開胃，只可以用特別和有趣來形容它，談不上美味，褔建朋友說不是配酸甜汁更令她太失所望。
脆皮芋頭，$88，上次都想點但兩個人食唔到咁多。本身覺得有啲貴，但食落又幾特別，芋頭係實而香，有別於粵菜追求的軟和化，外層有一層薄薄的糖衣，做成脆皮效果，幾討好
豬手，$78一隻，兩隻起，呢度啲菜多數小巧精緻，但呢個餸例外，豬手大大隻原隻上，炸得乾身香脆唔滴油，豬手膠質肥肉多，基本上我見唔到瘦肉嘅部份，我哋四個人share兩隻都好夠
又貴又普通，可以入冷宮
送嘅，咪就係滑豆腐，好普通
扁肉湯，$78，北京朋友點的，可能他在fiji做導遊離鄉太久，想點啲有北京風味嘅嘢食吓，menu中明明好似水餃咁，現實中就變咗燕餃，細細粒，但有二三十粒，算性價比比較高嘅食物。上次試過滷麵，門口試食過興化米粉，如果論主食，我會點呢個湯。覺得今次點嘅餸好過上次，感覺抵食啲，枱唔枱之間依然零距離，餐廳好彈聲，講嘢要好大聲，侍應同鑽石山一樣零笑容個個死老豆咁嘅樣，但無嗰邊咁醒。明明見有個轉盤喺門口，但今次食成六百幾蚊都無得轉攞couple(250轉一次)，唔知推廣完咗定蝦我個fd係旅客。短期內無下次。
張貼
