川上龍 (已結業)

Lunch time 時間, 去川上龍通常都要等位, 成日人頭湧湧, 只因為食物水準真係一流.今日lunch time 真係好彩, 唔駛等就有位.先點既當然係我的至愛水煮魚評分: 3.5/ 5因為同行既同事裏面, 有人唔係好食得辣, 所以叫左小辣 =P唔知係唔係小辣關係, 所以好似有D唔夠麻, 只有少少辣, 下次, 都係叫返中辣, 過癮D =)評分: 3.5/ 5醉雞, 其實個汁底好重要, 靚既醉雞, 上枱時已經聞到花雕酒香, 但今日呢碟呢碟醉雞, 應該浸得唔夠耐, 酒亦都可能唔夠, 無乜酒香, 但好在總算有D雞味評分: 4/5呢碟肉碎炒四季豆, 可算係保持水準, 上枱時熱辣辣, 好味, 而且最鐘意佢D調味, 夠惹味, 飯都食多兩啖!而且D豆唔會少到好焾, 仲有少少脆口, 水準之作.最後仲有一道黑醋小排骨, 因為好味得濟, 未影相已經被瓜分左...所以無相睇...評分: 4/5黑醋小排骨, 都係重口味之作, 都係送飯佳作, 但唔會過酸或過咸, 讚!跟餐仲有菜飯, 同埋豆漿 & 生菜, 滿足滿足...雖然水煮魚同醉雞有少少失準, 但我會再比機會川上龍的, 下次再來~!