影片
更多
2022-02-16
390 瀏覽
去開西九文化區，見到附近都有好多餐廳，野餐想食啲易啲食嘅嘢，就試咗呢間美式熱狗，佢哋嘅熱狗好特別用狗仔嘅品種去命名，玩味得來又有特色，都係揀對寵物友好嘅餐廳。見到app平過就咁買，如果去食就留意吓啦🤫🌭芝娃娃 $68+$28加薯條 (7/10)芝娃娃係有芝士粉，煙肉碎，蒜蓉粉，蒜蓉蛋黃醬，要小心啲拎起好容易跌晒啲粉🤣熱狗腸係普通法蘭克福腸，熱狗好濃味，好重蒜蓉味，芝士粉都幾香，如果鍾意食蒜蓉嘅話就會好鍾意，比較重味少少🤏🏻個人覺得一般啦🤣 薯條係粗直薯，都熱辣辣，好香脆，份量都幾多，本來有個曲嘅薯條，但今日冇供應🥲🌭鬥牛犬 $68+$28加沙律 (10/10)鬥牛犬係辣味手撕豬，洋蔥，蒜頭，同埋辣茄汁。冇諗過呢個真係超好食，熱狗腸係普通法蘭克福腸，手撕豬肉好軟淋，撕得好碎，辣辣地，都幾Juicy，好欣賞佢唔會太乾，加埋洋蔥或辣茄汁真係又香又辣，屬於小辣，調味啱啱好，唔會太咸太辣，好好食，食到停唔到口😍沙律都好新鮮份量好足，但係冇汁，就咁食有啲乾，真點fresh🥗🍩西班牙炸油條 $68 (9/10)有六條，長條型嘅，都幾大條！都係即叫即炸，熱辣辣。油條好香脆，唔會太油膩，好香濃嘅肉桂味道
🌭芝娃娃 $68+$28加薯條 (7/10)
芝娃娃係有芝士粉，煙肉碎，蒜蓉粉，蒜蓉蛋黃醬，要小心啲拎起好容易跌晒啲粉🤣熱狗腸係普通法蘭克福腸，熱狗好濃味，好重蒜蓉味，芝士粉都幾香，如果鍾意食蒜蓉嘅話就會好鍾意，比較重味少少🤏🏻個人覺得一般啦🤣 薯條係粗直薯，都熱辣辣，好香脆，份量都幾多，本來有個曲嘅薯條，但今日冇供應🥲
🌭鬥牛犬 $68+$28加沙律 (10/10)
鬥牛犬係辣味手撕豬，洋蔥，蒜頭，同埋辣茄汁。冇諗過呢個真係超好食，熱狗腸係普通法蘭克福腸，手撕豬肉好軟淋，撕得好碎，辣辣地，都幾Juicy，好欣賞佢唔會太乾，加埋洋蔥或辣茄汁真係又香又辣，屬於小辣，調味啱啱好，唔會太咸太辣，好好食，食到停唔到口😍
沙律都好新鮮份量好足，但係冇汁，就咁食有啲乾，真點fresh🥗
🍩西班牙炸油條 $68 (9/10)
有六條，長條型嘅，都幾大條！都係即叫即炸，熱辣辣。油條好香脆，唔會太油膩，好香濃嘅肉桂味道，都灑滿糖，香香甜甜，朱古力醬唔會太甜，好香濃朱古力味，真心冇諗過咁好食！
推薦指數: 9/10
都好多人熱狗，真心覺得熱狗都高質，尤其係辣味嗰個鬥牛犬，記得上app自取外賣會平啲，熱狗加薯條都係$70-$80，如果經過西九文化區都可以食呢間，價錢合理又好食😋
張貼
