影片
更多
2022-10-12
90 瀏覽
"🐽👅切腩魚片撈粗 牛腩賣相有啲樣衰，不過夠淋又有啲牛味。魚片係偏淋果隻，都重魚味，似手打果啲。麵夠味都爽口，不過鹼水味都幾重，連續食幾啖會有啲苦，一定要飲啖湯中和下。👅西多士加飲品 睇個樣好靚，炸到金黃又厚，但係原來係無餡架! 得塊包! 無花生醬就唔好叫自己西多士啦🙃 雖然塊包幾鬆軟，外皮都叫新鮮鬆脆，但無餡又整到塊包咁厚，食多幾啖就會有啲寡，應該唔係廚房哥仔漏咗搽醬掛，晒左我啲quota🥲總結普通茶餐廳setting, 當時都有四五個毒L用膳，似乎喺呢頭毒L食堂之一。筷子調味料都係枱面。整體不過不失，可encore, 係嬲佢塊假西多🙂食物 7/10抵食 7/10環境7/10服務8/10味来中菜餐厅旺角界限街43号恒富大厦地舖
👅切腩魚片撈粗
牛腩賣相有啲樣衰，不過夠淋又有啲牛味。魚片係偏淋果隻，都重魚味，似手打果啲。麵夠味都爽口，不過鹼水味都幾重，連續食幾啖會有啲苦，一定要飲啖湯中和下。
👅西多士加飲品
睇個樣好靚，炸到金黃又厚，但係原來係無餡架! 得塊包! 無花生醬就唔好叫自己西多士啦🙃 雖然塊包幾鬆軟，外皮都叫新鮮鬆脆，但無餡又整到塊包咁厚，食多幾啖就會有啲寡，應該唔係廚房哥仔漏咗搽醬掛，晒左我啲quota🥲
總結
普通茶餐廳setting, 當時都有四五個毒L用膳，似乎喺呢頭毒L食堂之一。筷子調味料都係枱面。整體不過不失，可encore, 係嬲佢塊假西多🙂
食物 7/10
抵食 7/10
環境7/10
服務8/10
味来中菜餐厅
旺角界限街43号恒富大厦地舖
張貼