trattoria NOBILDUCA (已結業)

慶祝之日。特別情況，原先想到既餐廳取消左，隨意的黎左呢到。先黎餐前飽藍，幾豐富下。麵包食落幾鬆軟，不過可惜胃口不佳，隨便食左件就停左手。要左個牛肝菌牛仔肉闊麵，闊麵幾彈牙，很不錯，同款有個係千層麵，應該也不錯，牛仔肉就唔多覺，好似d肉醬咁樣，同埋煮得太熟，好乾好韌下，相對失色。亦要左個法國原條鱸魚，有炭燒做法或者紙包焗，紙包焗未試過，當然一試。其實即係西式蒸魚，原條上，店員細心詢問是否需要拆骨，拆左骨賣相都無走樣，厲害。香草味燶，魚食落滑，幾好。檸檬撻，幾清新，幾酥化。埋尾咖啡，夠滑不過未算香，唔澀，收貨的。環境望住維港，舒服。服務好好，有介紹有推介，滿意。一個適合慶祝節日唔錯既地方。