鮨玥 (已結業)

就算係平日，只要工作壓力大，都想好好慰勞自己。今日就去咗西灣河海邊食日本嘢。朋友一呢就叫咗兩杯生啤減減壓～我哋叫咗蘋果汁，都好適合配海鮮。首先叫嘅有特大北海道厚岸蠔，果然真係有咁上下分量，有半隻手掌咁大，而且好好肉地，唔需要調味都鹹鹹地，重海水味。然後係本鮪壽司盛，有三款唔同嘅吞拿魚，本鮪赤身吞拿魚肉質結實，中本鮪魚腩則脂肪分佈均勻，留到最後食嘅大本鮪魚腩油脂感濃厚，入口即溶，絕對係高享受。之後叫咗熱食日本花魚一夜干，言下之意，就係用鹽水浸泡、一夜風乾嘅方法醃製，唔需要點豉油都已經好入味，花魚燒得啱啱好，外脆內滑，雖然調味已經恰到好處，但係餐廳都另外準備咗碟味道偏淡嘅醬油帶出更多風味。然後嚟嘅係生燒白鱔，燒得非常之有技巧，魚皮非常之脆，同時白鱔嘅肉亦都keep到好彈牙。主食方面，我哋就叫咗海三色丼同角切海鮮丼。三文魚好新鮮，而且三文魚味突出，油甘魚就夠肥美。角切海鮮丼用料同三色當差唔多，但係別有口感，牌招牌係玉子燒嚟，食落少少甜。