Dirty Skillet

營業中

休息中

咁啱行過西灣河，諗住求其入一間餐廳，點知發現到一個咁大嘅驚喜，超推薦！🫶🏻🫶🏻🥗泰式燒牛肉沙律牛肉燒得啱啱好，外脆內嫩，配埋啲清爽嘅沙律菜，再加上嗰陣酸辣嘅泰式醬汁，真係一流。🥧瘋狅熔岩芝士煙肉洋蔥餡批簡直係芝士控嘅天堂！用咗半磅車打芝士，咬落去每一啖都係濃郁嘅芝士味，再配埋煙肉同埋甜甜嘅洋蔥，口感豐富得嚟又滿足。🍝蟹膏蟹肉明太子甲羅燒，龍蝦汁意粉呢個意粉真係豪華到爆，蟹膏同蟹肉鮮甜味濃，仲要超級多蟹肉，一啲都唔吝嗇。明太子又添咗啲獨特嘅鹹香，再加上龍蝦汁意粉，嗰陣海鮮味真係無得輸。每一啖都充滿住濃濃嘅海洋氣息，仲要一啲都唔腥，勁鮮勁香。🍰震震下梳乎厘奄列呢個梳乎厘奄列真係好玩又好食，食落去超鬆軟，唔會太膩。震震下嘅感覺真係好有趣，仲要超級大個，三四個人食都好滿足。🍍Pineapple Hat呢個飲品好有夏天嘅感覺，新鮮菠蘿嘅香甜配埋冰凍嘅雪碧同埋菠蘿汁，飲落去清涼又解渴，仲有啲微微嘅氣泡感。🍇Fresh Grape & Apple Yogurt Soda真係健康同美味兼備，新鮮提子同蘋果嘅果香配埋酸酸甜甜嘅乳酪，口感非常豐富。