食神麗宮

營業中

休息中

今日嚟到嘅西營盤試呢間粵菜餐廳，試咗幾款菜式，整體上感覺都相當不錯，有自己獨特嘅風味。我哋首先叫咗濃湯雞煲花膠。每碗都有好大塊花膠，而且味道濃郁，加埋啲雞肉，非常滋味。然後試咗生炒2吋菜心。菜心夠翠綠，仲用咗燒肉炒，入味得恰到好處。我哋仲試咗15年陳皮話梅骨。呢味菜好特別，佢嘅豬骨連埋膠質豐富嘅皮，食落好好口感。整道菜酸酸地，幾開胃。我最後叫咗鑊氣十足嘅炒豬面肉。咁啱餐廳冇曬茶樹菇，改用咗雜菇代替。豬面肉嘅油脂感充足，再加上黑椒嘅香辣味道，真係好好食好惹味。