影片
更多
2023-05-21
221 瀏覽
呢間都算係一間幾有名氣嘅咖啡店，由油麻地開到過嚟西營盤位於藝里坊，夜晚嚟到特別有feel，周圍有啲七彩顏色嘅燈🌈主要食意粉、燉飯，另外仲有多款小食，選擇算多▶️ 乾炒大蝦蒜香意粉 ($118)賣相唔錯，看似份量少但只不過堆高咗嚟到已經聞到好香🧄食落蒜香味重，朋友形容似干燒伊麵味😂用上扁意粉比起意大利粉掛味🍝麵質al dente好有咬口炒入香菇，令意粉冇咁單調大蝦咬落爽脆🦐唔似雪藏唯一係偏油🤏🏻不過就有鑊氣啲▶️ 龍蝦湯配牛油果大蝦稻庭烏冬 ($128)烏冬麵上面放上幾隻蝦、一堆蟹肉、兩片牛油果、紫菜碎同沙律菜，好似poke bowl咁旁邊個金壺就係秘製龍蝦湯🦞可以自己按份量濃度倒落去，食得又玩得，好有儀式感加上咁樣有保溫作用，預你影相影耐咗都仲有暖湯飲keke龍蝦湯比想像中稀同淡味(只有微微龍蝦味)唔知點解食到啲羅宋湯味😂好嘅係唔係用罐頭湯而係自己熬製，可以見到啲精華烏冬比較幼身扁身，口感唔算十分彈牙但掛湯牛油果軟熟🥑自己平時麻麻哋牛油果，但咁樣食又OK鍾意佢加咗大量紫菜碎，食落鹹鹹地同埋和風啲😋(建議大家唔好將湯落落紫菜，如果唔係整淋晒)蟹肉份量算多，雖然冇咩蟹味，但絕非仿蟹柳三隻大蝦同
位於藝里坊，夜晚嚟到特別有feel，周圍有啲七彩顏色嘅燈🌈
主要食意粉、燉飯，另外仲有多款小食，選擇算多
▶️ 乾炒大蝦蒜香意粉 ($118)
賣相唔錯，看似份量少但只不過堆高咗
嚟到已經聞到好香🧄食落蒜香味重，朋友形容似干燒伊麵味😂
乾炒大蝦蒜香意粉
$118
9 瀏覽
0 讚好
0 留言
用上扁意粉比起意大利粉掛味🍝麵質al dente好有咬口
炒入香菇，令意粉冇咁單調
大蝦咬落爽脆🦐唔似雪藏
唯一係偏油🤏🏻不過就有鑊氣啲
▶️ 龍蝦湯配牛油果大蝦稻庭烏冬 ($128)
烏冬麵上面放上幾隻蝦、一堆蟹肉、兩片牛油果、紫菜碎同沙律菜，好似poke bowl咁
旁邊個金壺就係秘製龍蝦湯🦞可以自己按份量濃度倒落去，食得又玩得，好有儀式感
龍蝦湯配牛油果大蝦稻庭烏冬
$128
2 瀏覽
0 讚好
0 留言
加上咁樣有保溫作用，預你影相影耐咗都仲有暖湯飲keke
龍蝦湯比想像中稀同淡味(只有微微龍蝦味)唔知點解食到啲羅宋湯味😂好嘅係唔係用罐頭湯而係自己熬製，可以見到啲精華
烏冬比較幼身扁身，口感唔算十分彈牙但掛湯
牛油果軟熟🥑自己平時麻麻哋牛油果，但咁樣食又OK
鍾意佢加咗大量紫菜碎，食落鹹鹹地同埋和風啲😋(建議大家唔好將湯落落紫菜，如果唔係整淋晒)
蟹肉份量算多，雖然冇咩蟹味，但絕非仿蟹柳
三隻大蝦同意粉嗰啲一樣，食落非常爽脆👍🏻質感有啲似龍蝦，好食
▶️ 葡萄柚高山茶 ($45)
飲品都好打卡-able，有猶如日落嘅漸變色🌅
平時唔係好食葡萄柚，因為驚酸，估唔到變咗飲品又OK
第一啖飲落會覺得好甜，可能因為未溝勻，但係等冰融咗之後甜度就啱啱好，唔會杰到好似糖漿
葡萄柚味超出，有種好清新嘅味道，好啱夏天飲
▶️ 柚子蜜梳打 ($48)
係一個有氣嘅柚子蜜🍋，底部全部都係柚子，甜中帶微微苦
平時自己唔鍾意有氣飲品，所以呢個唔係我杯茶🫣
葡萄柚高山茶
$45
16 瀏覽
0 讚好
0 留言
-
食物整體ok，好適合打卡，比較推介食意粉，烏冬就一般般，佢啲燉飯都好似唔錯
環境用上波西米亞風設計🌵簡約且舒適，西營盤呢間分店比起油麻地有空間感，坐得更舒服
加上夜晚唔多人，有種寧靜嘅感覺😌
店主仲有養狗狗，係一隻黑色poodle，好熱情可愛🫶🏻
服務周到，上菜快手而且好presentable，餐具同水係自助嘅
價錢以晚餐黎講差唔多，香港咖啡店大多都要咁上下價錢 (有最低消費每人一杯飲品)
如果大家起西營盤想搵間靚啲坐得舒服嘅咖啡店，或者返完一日學／工想休息吓，不妨考慮吓呢間～
張貼
