影片
更多
2023-04-29
504 瀏覽
The Optimist@灣仔軒尼詩道 for celebration~呢間西班牙餐廳之前食過都已經覺得幾正，適逢今時朋友生日就選擇嚟返呢度！因為佢地有個特別服務，就係黎慶祝生日嘅話會有店員黎親自嚟演奏生日歌，有時在座既客人都會一齊大合唱生日歌，非常有氣氛！餐廳總共三層高，三層以不同風格設計，環境幾靚幾chill，打卡都一流。呢間之前好似好full booking，但我哋去到嗰日都唔算好滿，可能因為係星期四夜晚，2樓大概只有一半台有人。佢整體食物質素都好好，佢有一個好特別嘅Chef fed me餐，類似Omakase由廚師決定菜單。因為選擇困難，我哋就揀咗呢個餐。這個餐包左5個Tapas，主食同甜品，而且每道菜都按人頭數準備分量，所以食完啱啱好。首先係各式嘅Tapas：🧁Tuna Tartare吞拿魚他他多士可以算係不過不失，吞拿魚本身幾有新鮮，配埋牛油果係幾好食。但我都覺得個撻底太淋，食落落口感唔太好。🌶️Pardon Peppers 呢個青辣椒仔係一個開胃小菜，食落又唔算非常辣，不過就冇乜特別嘅味道。🥧Truffle Croquette可樂餅有好香濃嘅黑松露味，不過本身唔太好可樂餅，
呢間西班牙餐廳之前食過都已經覺得幾正，適逢今時朋友生日就選擇嚟返呢度！因為佢地有個特別服務，就係黎慶祝生日嘅話會有店員黎親自嚟演奏生日歌，有時在座既客人都會一齊大合唱生日歌，非常有氣氛！餐廳總共三層高，三層以不同風格設計，環境幾靚幾chill，打卡都一流。
呢間之前好似好full booking，但我哋去到嗰日都唔算好滿，可能因為係星期四夜晚，2樓大概只有一半台有人。佢整體食物質素都好好，佢有一個好特別嘅Chef fed me餐，類似Omakase由廚師決定菜單。因為選擇困難，我哋就揀咗呢個餐。
這個餐包左5個Tapas，主食同甜品，而且每道菜都按人頭數準備分量，所以食完啱啱好。
首先係各式嘅Tapas：
🧁Tuna Tartare
吞拿魚他他多士可以算係不過不失，吞拿魚本身幾有新鮮，配埋牛油果係幾好食。但我都覺得個撻底太淋，食落落口感唔太好。
🌶️Pardon Peppers
呢個青辣椒仔係一個開胃小菜，食落又唔算非常辣，不過就冇乜特別嘅味道。
🥧Truffle Croquette
可樂餅有好香濃嘅黑松露味，不過本身唔太好可樂餅，所以冇乜特別驚喜。
🍤Gambas al Aillo
橄欖油蒜蓉蝦高質而且調味好香，不過我就略嫌蝦肉嘅份量少左啲，唔係幾夠喉。
🍳Huevos Rotos with lerico ham
火腿、蛋、薯仔嘅配搭，材料簡單但是搭埋一齊就幾夾，店員會即場幫手撈起全部材料
而主食就係比較signature嘅龍蝦西班牙炒飯
🥘Juicy Lobster Rice
呢個可以話係呢間餐廳既必食推介！成個飯有好香龍蝦味，龍蝦大隻啖啖肉又鮮甜好好食，個飯軟硬程度適中唔會淋到一Pat咁。
因為係朋友生日嘅關係，餐廳仲好貼心咁送左個甜品比我地。
🍰Cheese Cake
雖然只係普通嘅芝士蛋糕，但都幾好食，非常creamy ！
Tio Pepe Sherry
11 瀏覽
0 讚好
0 留言
Daiquiri de Fresa
12 瀏覽
0 讚好
0 留言
Tuna Tartar & Truffle Croquette & Paxton Peppers
10 瀏覽
0 讚好
0 留言
Gambas & Ham Huevos Rotos
11 瀏覽
0 讚好
0 留言
Juicy Lobster Rice
23 瀏覽
1 讚好
0 留言
Birthday Cheese Cake
10 瀏覽
0 讚好
0 留言
張貼
