Tapas Brew (Mikiki)

營業中

休息中

疫情肆虐，餐廳繼續暫停晚市堂食，煮飯煮到好悶，唯有外出食午餐。今日嚟試吓譽・港灣商場地下嘅呢間西班牙菜，食啲不一樣嘅食物。繼續二人限聚令，每張餐枱之間都有隔板分開。餐牌雖然選擇唔算好多，但好多食物都好吸引先嚟過小食，傳統醃八爪魚配香檳醋甜椒，八爪魚爽口彈牙，非常鮮甜，配上微酸嘅香醋，係一個唔錯嘅開胃小食。二人份量嘅西班牙海鮮飯，海鮮嘅份量非常多，有魚柳、大蝦、墨魚仔、青口及大蜆等等，飯粒嘅質地煮得恰到好處，軟硬適中，整體味道不錯。