しば

營業中

休息中

今日係港島呢邊行街，行攰左係附近搵下野食 ，見到呢間居酒屋好靚啲裝修好日式，入去食下先🤓我叫左宮崎a4和牛 🩷🩷🩷🩷🩷佢個牛味比較濃，而且肥瘦都好均勻，肉質唔韌好淋。我中意🤩跟住佢配咗個前菜係蒜蓉汁螺肉個醬汁甜甜地好開胃而且螺肉都好彈牙。再叫左我最愛嘅燒鱈魚乾🩷🩷🩷🩷🩷次次去居酒屋必食，脆到好似食薯片咁😂宮崎黑豚肉腸🩷🩷🩷🩷🩷燒過既黑豚肉腸，肉味更加濃，同埋咬落去爆汁，點埋啲黃芥末醬食辣辣地好過癮。蒜燒同鹽燒牛小排🩷🩷🩷🩷🩷我覺得佢口感偏有嚼口，但係唔韌。同埋佢加咗啲鹽食落啲牛味比較濃。我個人覺得蒜燒好有驚喜，因為平時蒜蓉係加落啲海鮮度好少加落牛排上，佢加係牛小排啲蒜蓉味唔會蓋過啲牛味，而且兩種口味都食得出。好夾。大葱雞肉🩷🩷🩷🩷🩷我最中意啲大葱係燒過，因為燒過先夠甜同埋好juicy，而且啲雞肉都好滑，再加埋啲燒汁，好惹味呀。一口甜蕃薯同粟米🩷🩷🩷🩷🩷 甜蕃薯燒得好淋又甜好味，而且粟米加左燒汁，甜甜咸咸好過癮，咬落流曬啲汁。鹽燒豬頸肉🩷🩷🩷🩷🩷啲豬頸肉燒得好腍，同埋佢落咗啲鹽唔會太鹹食落豬味好濃。櫻花蝦墨魚棒🩷🩷🩷🩷🩷真係食到一粒粒嘅櫻花蝦同墨魚片喺個墨魚棒裏面好正又有咬口，好夠鮮味。