影片
更多
2022-10-06
673 瀏覽
今日去西營盤探朋友，之後一齊食晚飯。由友人帶路，嚟咗英華臺呢間「椰子樹泰國料理」。餐廳裝潢簡約，牆身上掛了幾幅油畫作點綴，色彩鮮艷奪目，拼配另一邊牆上嘅泰式民族坐墊，設計頗有特色，帶點異國風情。先嚟一客黃咖喱雞 ($88) 配 薄餅 ($30)，咖喱味道偏甜，帶濃厚薑黃及咖喱粉香氣，入口辣度不高。雞肉大大件，肉質嫩滑，咬下啖啖肉👍🏻 薄餅水準亦唔錯，鬆脆得嚟又帶淡淡麵粉香，可口味美，用嚟點咖喱汁一流！香辣豬肉碎煎蛋飯 ($78) 肉碎加咗香料一齊炒，味道酸辣帶鹹，入口濃香惹味。煎蛋有燶邊，配熱辣辣嘅米飯同肉碎一齊食，正宗泰式風味！ 芒果糯米飯 ($62) 糯米飯好大份，面頭鋪滿了椰漿和綠豆脆粒，旁邊再伴以切片芒果，賣相美觀。叉開見到入面有黑白糯米，前者軟熟、後者煙韌，配以鮮甜多汁嘅芒果同香濃又邪惡嘅椰漿吃，正！飲品點咗可樂 ($20) 同 熱泰式咖啡 ($22)，咖啡色澤較深，味道比平常濃厚，但又不失泰式咖啡嘅甜味，很不錯。
今日去西營盤探朋友，之後一齊食晚飯。由友人帶路，嚟咗英華臺呢間「椰子樹泰國料理」。
餐廳裝潢簡約，牆身上掛了幾幅油畫作點綴，色彩鮮艷奪目，拼配另一邊牆上嘅泰式民族坐墊，設計頗有特色，帶點異國風情。
先嚟一客黃咖喱雞 ($88) 配 薄餅 ($30)，咖喱味道偏甜，帶濃厚薑黃及咖喱粉香氣，入口辣度不高。雞肉大大件，肉質嫩滑，咬下啖啖肉👍🏻 
薄餅水準亦唔錯，鬆脆得嚟又帶淡淡麵粉香，可口味美，用嚟點咖喱汁一流！
香辣豬肉碎煎蛋飯 ($78) 肉碎加咗香料一齊炒，味道酸辣帶鹹，入口濃香惹味。煎蛋有燶邊，配熱辣辣嘅米飯同肉碎一齊食，正宗泰式風味！ 
芒果糯米飯 ($62) 糯米飯好大份，面頭鋪滿了椰漿和綠豆脆粒，旁邊再伴以切片芒果，賣相美觀。叉開見到入面有黑白糯米，前者軟熟、後者煙韌，配以鮮甜多汁嘅芒果同香濃又邪惡嘅椰漿吃，正！
飲品點咗可樂 ($20) 同 熱泰式咖啡 ($22)，咖啡色澤較深，味道比平常濃厚，但又不失泰式咖啡嘅甜味，很不錯。
張貼
