影片
更多
2009-01-12
21 瀏覽
呢間坤記同皇后大道西個間唔知有冇關係,可能係分店啦!又可能拆左伙,但唯一相同既係一樣咁多人!!!冇book位都唔洗旨意有得食,食之前一日打電話去book,話六點半,佢答:冇六點半喎!得六點,準時黎啦!我地都驚遲左會冇位,所以五點九就去到,但舖頭就燈都未開,果然係要準時六點先開門,門口勁多人等緊,有d係book左位既,有d就walk-in既;夠鐘一開門,d人湧晒入去,原來每張枱已經寫好晒名,姓乜,幾多位;walk-in既人根本冇機會......我地六個人叫左羊腩煲,三個煲仔飯,椒鹽九肚魚,兩碟炒菜;d飯足足要等45分鐘,所以最後先食飯.其實d野同舊個間差唔多口味,個飯一樣咁好食,d羊腩又好淋,yummy!最緊要係平丫麻,又食得飽飽,食過呢間煲仔飯,已經食唔到出面個d,點都覺得冇咁好味!
我地都驚遲左會冇位,所以五點九就去到,但舖頭就燈都未開,果然係要準時六點先開門,門口勁多人等緊,有d係book左位既,有d就walk-in既;夠鐘一開門,d人湧晒入去,原來每張枱已經寫好晒名,姓乜,幾多位;walk-in既人根本冇機會......
我地六個人叫左羊腩煲,三個煲仔飯,椒鹽九肚魚,兩碟炒菜;d飯足足要等45分鐘,所以最後先食飯.其實d野同舊個間差唔多口味,個飯一樣咁好食,d羊腩又好淋,yummy!
最緊要係平丫麻,又食得飽飽,食過呢間煲仔飯,已經食唔到出面個d,點都覺得冇咁好味!
張貼
