嚐囍煲仔小菜

營業中

休息中

熱辣辣新鮮出爐呀！朋友推介呢間《嚐囍煲仔飯》，佢都係聽西環住的朋友介紹話唔錯，我哋即管又試吓！去到已經好多人排隊，除咗煲仔飯，仲可以飲茶食點心，總算排咗十多分鐘就有位，不過都要搭枱先得。門口對聯已經響噹噹寫明「馳名四季火山石煲仔飯」，當然要試！另外叫咗幾樣點心，燒賣好大粒，陳皮鳳爪好大隻，流沙千層糕真係有鹹蛋黃流出嚟，真材實料靚點心！臘味雞煲飯超正宗！淋啲黑豉油上面再焗多兩分鐘，香噴噴熱辣辣！大大塊飯焦好滿足🤤一煲兩個人食夠晒數了！