九鬼居酒屋 (高街)

營業中

休息中

👦🏻👧🏻辦完年貨，梗係要搵間靚餐廳醫下肚啦。今次就一齊黎左位於西營盤高街既九鬼居酒屋，餐廳裝潢典雅，空間感充足。🌟北海道海鮮鍋(限定)呢個限定北海道海鮮鍋認真足料，湯底鮮味濃郁，飲落好鮮甜。鍋料包括菇類、蠔🦪、蜆、大蝦🍤、冬菇、蒟蒻、大蔥等等。最值得一提既一定係海鮮類，蠔肉結實，鮮味十足；蜆肉鮮甜；大蝦結實，食落爽口彈牙！🌟薄切魚生薄切刺身用左鯛魚作為刺身，食落肉質細緻有彈性，鮮甜肥美，食完口腔仲帶有甘甜味！🌟火炙左口魚邊壽司 左口魚經過火炙後，食落魚肉外層口感緊緻，帶左少少灸燒既焦香味，內裏仍然保持到香嫩既質感。🌟櫻花木煙燻黑安格斯牛煙燻黑安格斯牛夠哂特別，餐廳採用左一個炭爐既形式上菜，入面用左櫻花木去煙燻黑安格斯牛肉，牛肉油質分佈好靚，牛脂感重，肉質細嫩，牛肉味濃，入口即溶👍👍。🌟自家製免治雞肉棒 免治雞肉棒經炭燒後外觀相當吸引，食落雞肉非常嫩滑，配上日本雞蛋，蘸蛋汁後令雞肉棒更加滑溜可口。🌟牡丹蝦壽司 牡丹蝦食落肉質甜嫩細滑，蝦膏甘香，蝦頭炸至金黃蘇脆，值得推介！